Qazaqstanda biýdjet qarajatynyń tiimsiz jumsalýyna jol bermeý úshin jasandy intellekt tehnologiialaryn paidalaný usynyldy, dep habarlaidy dalanews.kz.
Aqorda málimetinshe, Memleket basshysy Qasym-Jomart Toqaev makroekonomikalyq turaqtylyqty uzaq merzimge qamtamasyz etý úshin biýdjet saiasatyn retteý qajettigin aitty.
Prezidenttiń sózinshe, byltyr qabyldanǵan Biýdjet kodeksi memleket qarajatyn tiimdi basqarýǵa jáne qarjylyq tártipti kúsheitýge múmkindik bergen. Alaida biýdjet shyǵyndary jyl saiyn artyp kele jatqandyqtan, qarajatty josparlaý men basqarý sapasyn odan ári jaqsartý qajet.
«Orynsyz, tiimsiz shyǵyndardyń aldyn alý úshin jasandy intellekt tehnologiiasynyń múmkindigin paidalanǵan durys», – dedi Memleket basshysy.
Sonymen qatar Prezident memlekettik qazyna júiesin tolyq tsifrlandyrýdy aiaqtap, biýdjet qarajatyn basqarýdyń ortaq tásilderge negizdelgen avtomattandyrylǵan júiesin qurý qajettigin atap ótti.
Toqaev Úkimet pen Ulttyq bankten osy baǵyt boiynsha naqty usynystar kútetinin aitty.
