Quryltai depýtaty Ashat Aimaǵambetov memlekettik sektorda jumys isteitin 300 myńnan astam adamnyń jalaqysyn kóterý josparlanyp otyrǵanyn málimdedi, dep habarlaidy dalanews.kz.
Depýtattyń aitýynsha, osy maqsatta biýdjet jobasyna ózgerister engizilip, qosymsha qarajat bólinedi. Jalaqysy ósetinderdiń qatarynda eńbek ótili men biliktiligi bar shamamen 77 myń dáriger de bar.
«Memlekettik sektorda biýdjetten jalaqy alatyn 300 myńnan astam adam bar. Qazir biýdjet jobasyna ózgerister engizilip, olardyń jalaqysyn kóterýge qosymsha qarajat bólinedi. Eńbek ótili men biliktiligi bar 77 myńǵa jýyq dárigerdiń de jalaqysy ósedi. Biýdjet qazir Quryltaidyń qaraýynda. Túzetýlerdi jedel engize alamyz, sondyqtan tólemderdi 1 qańtardan bastap júzege asyrýǵa bolady», – dedi Ashat Aimaǵambetov.
