Qazaqstanda Eýraziialyq ekonomikalyq odaq týraly shartqa ózgerister engizý jónindegi hattamany ratifikatsiialaý týraly zań eki oqylymda qabyldandy, dep habarlaidy dalanews.kz.
Quryltai málimetinshe, qujat EAEO aiasyndaǵy quqyqtyq retteýdi jetildirýge, zańnamadaǵy olqylyqtardy joiýǵa jáne múshe memleketterdiń ózara is-qimyl tetikterin naqtylaýǵa baǵyttalǵan.
Hattamada Odaqtyń ishki naryǵy, tehnikalyq retteý, qyzmetter saýdasy men investitsiialar, básekelestik, memlekettik satyp alý, ortaq elektr energetikasy naryǵy jáne kóliktik baqylaý salalaryn qamtityn 30-ǵa jýyq túzetý qarastyrylǵan.
Ózgeristerdiń biri – EAEO elderiniń memlekettik satyp alý rásimderinde banktik kepildikterdi ózara taný. Bul múshe memleketterdiń kásiporyndaryna ózge elderdiń memlekettik satyp alý naryqtaryna qatysý múmkindigin keńeitýge baǵyttalǵan.
Sonymen qatar Eýraziialyq ekonomikalyq komissiianyń ishki naryqtaǵy kedergilerdi baǵalaý jáne joiý jónindegi ókilettikteri naqtylanyp, tehnikalyq reglamentterdi birkelki qoldaný men ortaq elektr energetikasy naryǵyn retteý tetikteri jetildiriledi.
Qabyldanǵan zań EAEO aiasyndaǵy ekonomikalyq yntymaqtastyqtyń quqyqtyq negizderin nyǵaityp, integratsiialyq rásimderdiń ashyqtyǵyn arttyrýǵa múmkindik beredi.
