Almatyda esirtki tasymalynyń halyqaralyq arnalaryna qarsy operatsiia bastaldy, dep habarlaidy dalanews.kz.
Ujymdyq qaýipsizdik týraly shart uiymynyń "Kanal" óńirlik esirtkige qarsy operatsiiasy aiasynda "Kanal – Kaspii shamshyraǵy" sýbóńirlik operatsiiasy bastaldy.
Operatsiiaǵa Qazaqstan Respýblikasy, Belarýs Respýblikasy, Qyrǵyz Respýblikasy, Resei Federatsiiasy jáne Tájikstan Respýblikasy quzyretti organdarynyń ýákiletti ókilderi qatysady.
"Operatsiianyń negizgi maqsaty – esirtkiniń zańsyz ainalymyn anyqtaý jáne olardyń jolyn kesý, esirtkiniń memlekettik shekaralar arqyly tasymaldanýyna jol bermeý, sondai-aq, esirtki biznesine qatysy bar uiymdasqan qylmystyq toptardyń qyzmetine qarsy is-qimyl jasaý", - dedi IIM ókilderi.
Operatsiia aiasynda kólik infraqurylymy nysandarynda, sonyń ishinde áýejailarda, teńiz jáne ózen porttarynda, temirjol toraptary men stantsiialarynda izdestirý, baqylaý-tekserý jáne jedel-profilaktikalyq is-sharalar ótkizý kózdelgen.
Júk pen bagajda, júk jóneltilimderinde jáne halyqaralyq poshta jóneltilimderinde tyiym salynǵan zattardy anyqtaýǵa erekshe nazar aýdarylady.
