2025 jyldyń qorytyndysy boiynsha Qazaqstanda 3,9 myńǵa jýyq dárigerlik shtat orny bos qalǵan. Onyń 800-den astamy aýyldyq eldi mekenderge tiesili. Bul týraly Premer-ministr Oljas Bektenov depýtattyq saýalǵa bergen jaýabynda málimdedi, dep habarlaidy dalanews.kz.
Úkimet basshysynyń aitýynsha, 2023-2025 jyldary eldegi dáriger tapshylyǵy 20,4%-ǵa tómendegen. Al aýyldyq jerlerde bul kórsetkish 28,3%-ǵa azaiǵan.
Meditsina mamandaryn óńirlerge tartý úshin olarǵa baspana jáne qarjylai kómek kórsetilip keledi. 2026 jyldyń alǵashqy toǵyz aiynda tapshy mamandyqtar boiynsha jumys isteitin 230 dárigerdiń árqaisysyna 8,5 mln teńgeden tólengen. Sonymen qatar 223 dáriger baspanamen qamtamasyz etilgen.
Budan bólek, Úkimet meditsina qyzmetkerleriniń kásibi mártebesi men olarǵa beriletin kepildikterdi retteitin jeke zań jobasyn qarastyrady.
