Pavlodarda Resei áskerin Qazaqstanǵa kirgizýge shaqyrǵan videony taratqan áiel ustaldy. Oǵan qatysty sotqa deiingi tergeý bastaldy, dep habarlaidy dalanews.kz.
Ulttyq qaýipsizdik komitetiniń málimetinshe, áiel 28 qazanda Pavlodar qalasynda prokýratýranyń úilestirýimen ustalǵan.
«28 qazanda Ulttyq qaýipsizdik komitetiniń organdary Pavlodar qalasynda prokýratýranyń úilestirýimen jergilikti turǵyndy ustady. Tiisti sotqa deiingi tergeý bastaldy. Buǵan deiin ol esirtki zattaryn satý boiynsha sottalǵan», – dep habarlady UQK.
Buǵan deiin áleýmettik jelilerde taraǵan videoda áiel qazaqtardy qorlap, Qazaqstannyń birqatar qalasy Reseidiń baqylaýyna ótýi kerek ekenin aitqan.
Qazirgi ýaqytta istiń mán-jaiy anyqtalyp jatyr.
