Qazaqstanda 2027 jylǵy 1 qańtardan bastap emhanalarda jumys isteitin ýchaskelik meditsina mamandarynyń jalaqysyn 40%-ǵa deiin arttyrý josparlanyp otyr, dep habarlaidy dalanews.kz.
Úkimet otyrysynda Densaýlyq saqtaý ministri Aqmaral Álnazarova Memleket basshysynyń tapsyrmasy aiasynda alǵashqy meditsinalyq-sanitariialyq kómek júiesindegi kadrlyq áleýetti nyǵaitý jáne meditsina qyzmetiniń tartymdylyǵyn arttyrý úshin ýchaskelik mamandarǵa saralanǵan qosymsha aqy engizý usynylǵanyn málimdedi.
Ministrdiń aitýynsha, qosymsha tólem mamandardyń úzdiksiz eńbek ótili men psihoemotsionaldyq júktemesin eskere otyryp esepteledi.
Sonymen qatar Qazaqstan óńirlerinde 70-ke jýyq jańa meditsinalyq nysan salý josparlanyp otyr. Olardyń qatarynda aýdandyq aýrýhanalar, jedel járdem stantsiialary men qan ortalyqtary bar.
Josparǵa segiz perinataldyq ortalyq, jeti kópbeiindi balalar aýrýhanasy, Balalarǵa shuǵyl meditsinalyq kómek kórsetý ortalyǵy jáne balalar hirýrgiiasy ortalyǵy kiredi. Budan bólek, Ulttyq balalardy ońaltý ortalyǵynyń bes óńiraralyq filialy men 25 ambýlatoriialyq-emhanalyq nysan salý kózdelgen.
Ministrdiń málimetinshe, jobalardy iske asyrý nátijesinde jalpy aýdany shamamen 1,8 mln sharshy metr bolatyn meditsinalyq infraqurylym salynyp, jańartylady. Statsionarlardaǵy tósek-oryn sany 9,2 myńǵa artyp, qoldanystaǵy tósek qory jańǵyrtylady.
Sondai-aq ambýlatoriialyq kómek kórsetý qýaty bir aýysymda 5,3 myńnan astam qabyldaýǵa ulǵaiady.
