قازاقستاندا 2027 جىلعى 1 قاڭتاردان باستاپ ەمحانالاردا جۇمىس ٸستەيتٸن ۋچاسكەلٸك مەديتسينا ماماندارىنىڭ جالاقىسىن 40%-عا دەيٸن ارتتىرۋ جوسپارلانىپ وتىر, دەپ حابارلايدى dalanews.kz.
ٷكٸمەت وتىرىسىندا دەنساۋلىق ساقتاۋ مينيسترٸ اقمارال ەلنازاروۆا مەملەكەت باسشىسىنىڭ تاپسىرماسى اياسىندا العاشقى مەديتسينالىق-سانيتارييالىق كٶمەك جٷيەسٸندەگٸ كادرلىق ەلەۋەتتٸ نىعايتۋ جەنە مەديتسينا قىزمەتٸنٸڭ تارتىمدىلىعىن ارتتىرۋ ٷشٸن ۋچاسكەلٸك ماماندارعا سارالانعان قوسىمشا اقى ەنگٸزۋ ۇسىنىلعانىن مەلٸمدەدٸ.
مينيستردٸڭ ايتۋىنشا, قوسىمشا تٶلەم مامانداردىڭ ٷزدٸكسٸز ەڭبەك ٶتٸلٸ مەن پسيحوەموتسيونالدىق جٷكتەمەسٸن ەسكەرە وتىرىپ ەسەپتەلەدٸ.
سونىمەن قاتار قازاقستان ٶڭٸرلەرٸندە 70-كە جۋىق جاڭا مەديتسينالىق نىسان سالۋ جوسپارلانىپ وتىر. ولاردىڭ قاتارىندا اۋداندىق اۋرۋحانالار, جەدەل جەردەم ستانتسييالارى مەن قان ورتالىقتارى بار.
جوسپارعا سەگٸز پەريناتالدىق ورتالىق, جەتٸ كٶپبەيٸندٸ بالالار اۋرۋحاناسى, بالالارعا شۇعىل مەديتسينالىق كٶمەك كٶرسەتۋ ورتالىعى جەنە بالالار حيرۋرگيياسى ورتالىعى كٸرەدٸ. بۇدان بٶلەك, ۇلتتىق بالالاردى وڭالتۋ ورتالىعىنىڭ بەس ٶڭٸرارالىق فيليالى مەن 25 امبۋلاتورييالىق-ەمحانالىق نىسان سالۋ كٶزدەلگەن.
مينيستردٸڭ مەلٸمەتٸنشە, جوبالاردى ٸسكە اسىرۋ نەتيجەسٸندە جالپى اۋدانى شامامەن 1,8 ملن شارشى مەتر بولاتىن مەديتسينالىق ينفراقۇرىلىم سالىنىپ, جاڭارتىلادى. ستاتسيونارلارداعى تٶسەك-ورىن سانى 9,2 مىڭعا ارتىپ, قولدانىستاعى تٶسەك قورى جاڭعىرتىلادى.
سونداي-اق امبۋلاتورييالىق كٶمەك كٶرسەتۋ قۋاتى بٸر اۋىسىمدا 5,3 مىڭنان استام قابىلداۋعا ۇلعايادى.
