كاسساتسييالىق سوت شىمكەنت قالاسى ۇلتتىق قاۋٸپسٸزدٸك كوميتەتٸ دەپارتامەنتٸ باستىعىنىڭ بۇرىنعى بٸرٸنشٸ ورىنباسارى مانات سارباسوۆقا قاتىستى 12 جىلعا باس بوستاندىعىنان ايىرۋ ٷكٸمٸنٸڭ كٷشٸن جويدى. ٸس القابيلەردٸڭ قاتىسۋىمەن ٶتكەن سوت تالقىلاۋىندا ەلەۋلٸ زاڭ بۇزۋشىلىقتارعا جول بەرٸلۋٸنە بايلانىستى قايتا قاراۋعا جٸبەرٸلدٸ, دەپ حابارلايدى dalanews.kz.
ادۆوكات جاسۇلان اسىلبەكوۆتٸڭ ايتۋىنشا, كاسساتسييالىق سوت القابيلەردٸڭ داۋىس بەرۋ تەرتٸبٸ مەن ولاردىڭ قاراۋىنا ۇسىنىلعان سۇراقتاردىڭ تۇجىرىمدالۋىنان زاڭ بۇزۋشىلىقتاردى انىقتاعان. قورعاۋشى تاراپتىڭ مەلٸمدەۋٸنشە, سۇراقتار كٷردەلٸ زاڭ تەرميندەرٸمەن جازىلىپ, تٸپتٸ سوت پروتسەسٸنە قاتىسۋشىلارعا دا تٷسٸنٸكسٸز بولعان.
Nege.kz مەلٸمەتٸنشە, 2025 جىلعى قازاندا القابيلەر مانات سارباسوۆتى پارا الدى, قىلمىستىق جولمەن الىنعان قاراجاتتى زاڭداستىردى جەنە قىزمەتتٸك مٸندەتٸن تيٸسٸنشە ورىندامادى دەپ تانىعان ەدٸ. بٸرنەشە قىلمىس بويىنشا وعان تٷپكٸلٸكتٸ 12 جىل باس بوستاندىعىنان ايىرۋ جازاسى تاعايىندالدى. ال الاياقتىق جەنە پارا بەرۋگە يتەرمەلەۋ سەكٸلدٸ باسقا ايىپتار بويىنشا ول اقتالعان.
تەرگەۋ نۇسقاسىنا سەيكەس, سارباسوۆ جەكەمەنشٸك مەكتەپكە قولداۋ كٶرسەتكەنٸ ٷشٸن كەسٸپكەردەن 70 ميلليون تەڭگە العان. كەيٸن بۇل قاراجاتتى جىلجىمايتىن مٷلٸك ساتىپ الۋ جەنە ودان تابىس تابۋ ارقىلى زاڭداستىردى دەگەن ايىپ تاعىلعان.
سونداي-اق ول مەديتسينالىق جابدىق ساتىپ الۋ كەزٸندە 92 ميلليون تەڭگەدەن استام قاراجاتتىڭ جىمقىرىلۋىنا جول بەرٸپ, قىزمەتتٸك ەرەكەتسٸزدٸك تانىتتى دەپ ايىپتالعان. اتالعان ەپيزودتار بۇرىنعى شەنەۋنٸكتەر مەن كەسٸپكەرلەر دە جاۋاپقا تارتىلعان قىلمىستىق ٸستٸڭ بٸر بٶلٸگٸ بولعان.
