Qazaqstanda áleýmettik kómek taǵaiyndaýdyń jańa tártibi engiziledi, dep habarlaidy dalanews.kz.
Muqtajdyq deńgeiine qarai áleýmettik kómek taǵaiyndaý qaǵidatyn engizý boiynsha pilottyq joba 2027 jylǵy 1 qańtarda bastalady. Aldymen jańa tásil tabysy joǵary azamattarǵa synaqtan ótkizilip, keiin aýqatty qazaqstandyqtardyń jaǵdaiy baǵalanady. Bul týraly Úkimet otyrysynda eńbek jáne halyqty áleýmettik qorǵaý ministri Asqarbek Ertaev málimdedi.
"Qańtar men aqpanda tabysy joǵary azamattar arasynda, al aqpannan sáýirge deiin aýqatty azamattar arasynda pilottyq joba aiasynda tekseris júrgiziledi", - dedi ministr.
Onyń aitýynsha, jańa tásildi engizý tetikterin ázirleý qarashada aiaqtalady. Al jeltoqsanda Otbasynyń tsifrlyq kartasy ekinshi deńgeili bankterdiń aqparattyq júielerimen biriktiriledi.
Baǵalaý kezinde otbasynyń tabysy men nesiesi, sonyń ishinde ipotekasy, kólikteri men aýyl sharýashylyǵy tehnikasy bolýy jáne jai-kúii, otbasyn asyraýǵa jumsalatyn shyǵyndary eskeriledi. Sondai-aq, otbasynda bir ǵana asyraýshy bolýy nemese jalǵyz baspanasy bolýy da nazarǵa alynady.
