Aqtóbe oblysynyń tabiǵat qorǵaý prokýratýrasy jer qoinaýyn paidalaný salasynda salyq zańnamasynyń buzylǵanyn anyqtady. Sonyń saldarynan memleketke 1,2 mlrd teńgeden astam zalal kelgen, dep habarlaidy dalanews.kz.
Tekserý barysynda 2022–2025 jyldar aralyǵynda jer qoinaýyn paidalanýǵa qatysty 127 kelisimshart boiynsha salyq mindettemeleri tolyq oryndalmaǵany belgili boldy.
Prokýratýranyń sharalarynan keiin qazirgi ýaqytta 600 mln teńgeden astam qarajat ótelgen. Budan bólek, 29 kompaniia jalpy somasy 250 mln teńgege qosymsha salyq deklaratsiialaryn óz erkimen tapsyrǵan.
Qalǵan salyq mindettemeleriniń tolyq oryndalýyn qamtamasyz etý jumystary jalǵasyp jatyr.
Prokýratýra tekserisiniń qorytyndysy boiynsha qyzmettik mindetterin tiisinshe oryndamaǵany úshin salyq qyzmetiniń úsh qyzmetkeri tártiptik jaýapkershilikke tartyldy.
