اقتٶبە وبلىسىنىڭ تابيعات قورعاۋ پروكۋراتۋراسى جەر قويناۋىن پايدالانۋ سالاسىندا سالىق زاڭناماسىنىڭ بۇزىلعانىن انىقتادى. سونىڭ سالدارىنان مەملەكەتكە 1,2 ملرد تەڭگەدەن استام زالال كەلگەن, دەپ حابارلايدى dalanews.kz.
تەكسەرۋ بارىسىندا 2022–2025 جىلدار ارالىعىندا جەر قويناۋىن پايدالانۋعا قاتىستى 127 كەلٸسٸمشارت بويىنشا سالىق مٸندەتتەمەلەرٸ تولىق ورىندالماعانى بەلگٸلٸ بولدى.
پروكۋراتۋرانىڭ شارالارىنان كەيٸن قازٸرگٸ ۋاقىتتا 600 ملن تەڭگەدەن استام قاراجات ٶتەلگەن. بۇدان بٶلەك, 29 كومپانييا جالپى سوماسى 250 ملن تەڭگەگە قوسىمشا سالىق دەكلاراتسييالارىن ٶز ەركٸمەن تاپسىرعان.
قالعان سالىق مٸندەتتەمەلەرٸنٸڭ تولىق ورىندالۋىن قامتاماسىز ەتۋ جۇمىستارى جالعاسىپ جاتىر.
پروكۋراتۋرا تەكسەرٸسٸنٸڭ قورىتىندىسى بويىنشا قىزمەتتٸك مٸندەتتەرٸن تيٸسٸنشە ورىنداماعانى ٷشٸن سالىق قىزمەتٸنٸڭ ٷش قىزمەتكەرٸ تەرتٸپتٸك جاۋاپكەرشٸلٸككە تارتىلدى.
