قازاقستان پرەزيدەنتٸ قاسىم-جومارت توقاەۆ 28-30 قازان ارالىعىندا رەجەپ تاييپ ەردوعاننىڭ شاقىرۋىمەن تٷركيياعا رەسمي ساپارمەن باردى. تٷركييالىق Anadolu جەنە TRT Haber باسىلىمدارى ەكٸ ەل باسشىلارىنىڭ كەزدەسۋٸنە, كەڭەيتٸلگەن ستراتەگييالىق سەرٸكتەستٸكتٸ نىعايتۋعا جەنە قورعانىس ٶنەركەسٸبٸ سالاسىنداعى ىنتىماقتاستىققا نازار اۋداردى, دەپ حابارلايدى dalanews.kz.
ەردوعاننىڭ ٶزٸ سالتاناتتى تٷردە قارسى الدى
Anadolu اگەنتتٸگٸ مەلٸمەتٸنشە, توقاەۆتى انكاراداعى ەتيمەسگۋت ەۋەجايىندا تٷركييا پرەزيدەنتٸ رەجەپ تاييپ ەردوعاننىڭ ٶزٸ قارسى الدى. مەملەكەت باسشىسىنىڭ قۇرمەتٸنە سالتاناتتى رەسٸم ۇيىمداستىرىلىپ, قازاقستان مەن تٷركييانىڭ مەملەكەتتٸك ەنۇراندارى ورىندالدى. قۇرمەت قاراۋىلى ساپ تٷزەپ, توقاەۆ ەسكەري قىزمەتشٸلەرمەن سەلەمدەستٸ. رەسٸم بارىسىندا 21 ارتيللەرييالىق زالپ بەرٸلدٸ.
28 قازاندا ەكٸ ەل پرەزيدەنتٸ انكاراداعى پرەزيدەنت سارايىندا جەكە كەزدەسۋ ٶتكٸزٸپ, كەيٸن دەلەگاتسييالارمەن كەلٸسسٶزدەر جٷرگٸزدٸ. Anadolu اگەنتتٸگٸنٸڭ جازۋىنشا, تاراپتار ەكٸجاقتى قارىم-قاتىناستاردى, سونداي-اق, ٶڭٸرلٸك جەنە جاھاندىق مەسەلەلەردٸ تالقىلادى.
ەردوعان قازاقستان مەن تٷركييا اراسىنداعى كەڭەيتٸلگەن ستراتەگييالىق سەرٸكتەستٸكتٸ ودان ەرٸ نىعايتۋ قاجەتتٸگٸن اتاپ ٶتتٸ. ول ساۋدا, ينۆەستيتسييا, ەنەرگەتيكا, كٶلٸك جەنە قورعانىس ٶنەركەسٸبٸ سالالارىنداعى ىنتىماقتاستىقتى دامىتۋعا باسىمدىق بەرٸلەتٸنٸن ايتتى.
تٷركييا پرەزيدەنتٸ انكارانىڭ تٷركٸ مەملەكەتتەرٸ ۇيىمىنا تٶراعالىعى كەزٸندە ۇيىمنىڭ اقساقالدار كەڭەسٸنٸڭ جۇمىسىن جانداندىرۋعا كٷش سالاتىنىن, بۇل باعىتتا قازاقستانمەن تىعىز بايلانىس جالعاساتىنىن دا جەتكٸزدٸ. سونىمەن قاتار, ەردوعان قاسىم-جومارت توقاەۆتى انتاليادا 11-12 قاراشادا ٶتەتٸن COP31 حالىقارالىق كليماتتىق سامميتٸنە شاقىردى.
ەكٸ ەل ساۋدا مەن قورعانىس سالاسىنداعى ىنتىماقتاستىقتى نىعايتپاق
تٷركييانىڭ قورعانىس ٶنەركەسٸبٸ سالاسىنداعى ىنتىماقتاستىققا دا ەرەكشە نازار اۋدارىلدى. تٷركييا پرەزيدەنتٸ ەكٸمشٸلٸگٸنٸڭ قورعانىس ٶنەركەسٸبٸ باسقارماسىنىڭ باسشىسى حالۋك گٶرگٷن قازاقستانمەن بٸرلەسكەن جۇمىستى كەڭەيتٸپ, تەرەڭدەتۋگە نيەتتٸ ەكەنٸن مەلٸمدەدٸ.
Cۋرەت: aa.com.tr
ونىڭ ايتۋىنشا, قورعانىس ٶنەركەسٸبٸ ەكٸ ەل اراسىنداعى ماڭىزدى ىنتىماقتاستىق باعىتتارىنىڭ بٸرٸ سانالادى. گٶرگٷن تٷركييانىڭ سوڭعى شيرەك عاسىردا بەسەكەگە قابٸلەتتٸ ٶنٸمدەر شىعارۋعا جەنە بٸرلەسكەن ٶندٸرٸستٸ قولداۋعا نەگٸزدەلگەن قورعانىس ٶنەركەسٸبٸن قالىپتاستىرعانىن اتاپ ٶتتٸ.
ول قازاقستانمەن ٶزارا تيٸمدٸلٸك قاعيداتى نەگٸزٸندە ىنتىماقتاستىقتى نىعايتۋ ەكٸ ەلدٸڭ قاۋٸپسٸزدٸگٸ مەن تٷركٸ ەلەمٸنٸڭ ەل-اۋقاتىنا ٷلەس قوساتىنىن ايتتى.
قاسىم-جومارت توقاەۆتىڭ تٷركيياعا ساپارى 30 قازانعا دەيٸن جالعاسادى. ساپار اياسىندا قازاقستان پرەزيدەنتٸ تٷركٸ مەملەكەتتەرٸ ۇيىمىنىڭ 13-سامميتٸنە قاتىسادى.
