Өзбекстан азаматтары Шымкенттен Түркияға 227 млн теңгенің алтынын заңсыз алып өтпек болған, деп хабарлайды dalanews.kz.
Сот үкімі шыққанға дейін құны 227,8 млн теңге болатын 2,8 келіге жуық алтын мемлекет пайдасына тәркіленді. Бұл шешім Бас көлік прокуратурасының өтінішхаттары негізінде қабылданған.
Өзбекстан азаматтары бағалы металды Шымкент әуежайы арқылы Түркияға заңсыз алып кетпек болған. Алтынды кеден бақылауынан жасыру үшін оның бөлшектерін шабадандардың ішкі астарына және жүк қаптамаларына жасырған.
Күдіктілерге халықаралық іздеу жарияланды. Сотқа дейінгі тергеп-тексеру амалдары жалғасып жатыр.
