Qasym-Jomart Toqaev Túrki memleketteri uiymyna múshe elderdiń basshylarymen birge astanalyq «Beshtepe» saiabaǵyndaǵy Túrki álemi alleiasyn ashty, dep habarlaidy dalanews.kz.
Atalǵan alańda Túrkiia, Ázerbaijan, Qazaqstan, Qyrǵyzstan, Ózbekstan jáne Túrikmenstan elderiniń ulttyq pavilondary ornalasqan. Ekspozitsiialarda baýyrlas halyqtardyń yntymaq-birligi men san alýan mádenieti, bai rýhani dástúri kórinis tapqan.
Qazaq kiiz úii Uly dala rýhy men túrki dúniesiniń ortaq tarihi tamyryn beineleidi. Prezidentterge kiiz úidiń bezendirilýine arqaý bolǵan ejelgi túrki órkenieti, sonyń ishinde saqtar murasy, halqymyzdyń tabiǵatpen úilesimdi ómir salty jáne zamanaýi Qazaqstannyń kelbeti jaiynda málimet berildi.
Memleketter basshylarynyń nazaryna qazaq halqynyń dástúrli saiatshylyq ónerin pash etetin «Saq ańshysy» músindik kompozitsiiasy usynyldy. Sondai-aq mártebeli meimandarǵa kóne túrki jazba mádenietinen mol maǵlumat beretin Orhon eskertkishteri kórsetildi.
