Qazaqstan Úkimeti Prezidenttiń halyqqa Joldaýyn júzege asyrý úshin naqty is-qimyl josparyn ázirleidi, dep habarlaidy dalanews.kz.
Úkimettiń baspasóz qyzmetiniń málimetinshe, bul másele Premer-ministr Oljas Bektenovtiń tóraǵalyǵymen ótken Úkimet otyrysynda qaraldy.
Oljas Bektenov Memleket basshysy Qasym-Jomart Toqaevtyń «Jańa tarihi kezeńdegi Qazaqstannyń ózekti mindetteri» atty Joldaýy aldaǵy kezeńge arnalǵan mazmundyq turǵydan eń aýqymdy baǵdarlamalyq qujat ekenin atap ótti.
«Prezident jariialaǵan aýqymdy “Halyqtyq qurylys” baǵdarlamasy ekonomikanyń barlyq salasyndaǵy túbegeili infraqurylymdyq ózgerister men reformalarǵa jol ashady. Jalpyhalyqtyq joba jumyspen qamtý deńgeiin arttyryp, azamattardyń ál-aýqatyn jaqsartýǵa úlken serpin beredi», – dedi Úkimet basshysy.
Onyń aitýynsha, Ádiletti, Kúshti, Taza jáne Ozyq Qazaqstandy qurý úshin eldiń áleýeti men zamanaýi innovatsiialar usynatyn múmkindikterdi tiimdi paidalaný qajet.
Úkimet otyrysynda elimizdiń áleýmettik-ekonomikalyq damýynyń basym baǵyttary boiynsha memlekettik organdardyń basshylary baiandama jasady.
