Qazaqstandyq tennisshi Elena Rybakina 2026 jyldyń qorytyndysy boiynsha Áielder tennis qaýymdastyǵynyń (WTA) jekelei syndaǵy reitinginde birinshi oryndy ielenetinine kepildik berdi. Ol Tokiodaǵy WTA 500 týrniriniń ekinshi ainalymynda Iýliia Pýtintsevany jeńgennen keiin maýsymnyń sońyna deiin eń jaqyn qarsylastaryn shań qaptyryp ketti, dep habarlaidy dalanews.kz.
Rybakina - jyl qorytyndysy boiynsha áielder arasyndaǵy jekelei reitingte kósh bastaityn Aziia eliniń tuńǵysh ókili. Osylaisha, onyń jetistigi Qazaqstan úshin ǵana emes, búkil Aziia tennisi úshin tarihi oqiǵaǵa ainaldy.
Elena jankúierlerine alǵys aitty.
"Jyldy álemdik reitingtiń birinshi satysynda aiaqtaitynyma óte baqyttymyn. Jyl boiy maǵan qoldaý kórsetken barshańyzǵa raqmet. Kelesi jyly da osyndai joǵary deńgeide óner kórsetýdi jalǵastyra alamyn dep úmittenemin", - dedi Rybakina.
Qazir qazaqstandyq tennisshiniń laiv-reitingte 9501 upaiy bar, al ekinshi orynda turǵan Arina Sobolenkonyń enshisinde 7550 upai. Osylaisha, Elenanyń basymdyǵy - 1951 upai.
