Almatydaǵy Respýblikalyq fizika-matematika mektebinde (RFMM) oqýshylardyń jappai ýlanýyna bailanysty tergeý jalǵasyp jatyr. 13 qazanda bolǵan oqiǵadan keiin ashanaǵa júrgizilgen sanitariialyq tekserý birqatar zańbuzýshylyqty anyqtady, dep habarlaidy dalanews.kz.
Sanitariialyq-epidemiologiialyq baqylaý departamentiniń málimetinshe, zerthanalyq saraptama kezinde keibir daiyn taǵamdardan mikrobtyq lastaný belgileri tabylǵan. Sonymen qatar taǵam úlgileri men ydystardan ishek taiaqshasy anyqtaldy. Al ashanada qoldanylǵan zalalsyzdandyrý eritindisiniń quramy sanitariialyq talaptarǵa sai bolmaǵan.
Tekserý kezinde ashana qyzmetkerleriniń 38-i meditsinalyq baqylaýdan ótken. Olardyń tórteýinen altyn tústi stafilokokk bakteriiasyn tasymaldaýshylyq anyqtalǵan. Osyǵan bailanysty atalǵan qyzmetkerler ýaqytsha jumystan shettetildi.
Budan bólek, ashanada azyq-túlik pen táýliktik taǵam synamalaryn saqtaý talaptary buzylǵany belgili boldy. Bekitilgen mázir saqtalmaǵan, keibir qujattar men as úi quraldarynda tiisti tańbalar bolmaǵan.
Anyqtalǵan zańbuzýshylyqtarǵa bailanysty RFMM ákimshiligine qatysty ákimshilik hattama toltyryldy. Al oqýshylardy tamaqtandyrý qyzmetin kórsetken «MasterFood» kompaniiasyna qatysty materialdar politsiiaǵa joldandy.
Sondai-aq atalǵan oqiǵa boiynsha QR Qylmystyq kodeksiniń 304-baby 1-bóligimen qylmystyq is qozǵalǵan.
