الماتىداعى رەسپۋبليكالىق فيزيكا-ماتەماتيكا مەكتەبٸندە (رفمم) وقۋشىلاردىڭ جاپپاي ۋلانۋىنا بايلانىستى تەرگەۋ جالعاسىپ جاتىر. 13 قازاندا بولعان وقيعادان كەيٸن اسحاناعا جٷرگٸزٸلگەن سانيتارييالىق تەكسەرۋ بٸرقاتار زاڭبۇزۋشىلىقتى انىقتادى, دەپ حابارلايدى dalanews.kz.
سانيتارييالىق-ەپيدەميولوگييالىق باقىلاۋ دەپارتامەنتٸنٸڭ مەلٸمەتٸنشە, زەرتحانالىق ساراپتاما كەزٸندە كەيبٸر دايىن تاعامداردان ميكروبتىق لاستانۋ بەلگٸلەرٸ تابىلعان. سونىمەن قاتار تاعام ٷلگٸلەرٸ مەن ىدىستاردان ٸشەك تاياقشاسى انىقتالدى. ال اسحانادا قولدانىلعان زالالسىزداندىرۋ ەرٸتٸندٸسٸنٸڭ قۇرامى سانيتارييالىق تالاپتارعا ساي بولماعان.
تەكسەرۋ كەزٸندە اسحانا قىزمەتكەرلەرٸنٸڭ 38-ٸ مەديتسينالىق باقىلاۋدان ٶتكەن. ولاردىڭ تٶرتەۋٸنەن التىن تٷستٸ ستافيلوكوكك باكتەريياسىن تاسىمالداۋشىلىق انىقتالعان. وسىعان بايلانىستى اتالعان قىزمەتكەرلەر ۋاقىتشا جۇمىستان شەتتەتٸلدٸ.
بۇدان بٶلەك, اسحانادا ازىق-تٷلٸك پەن تەۋلٸكتٸك تاعام سىنامالارىن ساقتاۋ تالاپتارى بۇزىلعانى بەلگٸلٸ بولدى. بەكٸتٸلگەن مەزٸر ساقتالماعان, كەيبٸر قۇجاتتار مەن اس ٷي قۇرالدارىندا تيٸستٸ تاڭبالار بولماعان.
انىقتالعان زاڭبۇزۋشىلىقتارعا بايلانىستى رفمم ەكٸمشٸلٸگٸنە قاتىستى ەكٸمشٸلٸك حاتتاما تولتىرىلدى. ال وقۋشىلاردى تاماقتاندىرۋ قىزمەتٸن كٶرسەتكەن «MasterFood» كومپانيياسىنا قاتىستى ماتەريالدار پوليتسيياعا جولداندى.
سونداي-اق اتالعان وقيعا بويىنشا قر قىلمىستىق كودەكسٸنٸڭ 304-بابى 1-بٶلٸگٸمەن قىلمىستىق ٸس قوزعالعان.
