2026 جىلدىڭ العاشقى توعىز ايىندا تۇتىنۋشىلاردىڭ قۇقىقتارىن قورعاۋ كوميتەتٸ مەن ونىڭ اۋماقتىق دەپارتامەنتتەرٸنە 72,6 مىڭعا جۋىق ٶتٸنٸش تٷسكەن. ازاماتتار كٶبٸنە بٶلشەك جەنە ەلەكتروندىق ساۋدا, تۇرمىستىق قىزمەت كٶرسەتۋ مەن تۇرعىن ٷي-كوممۋنالدىق شارۋاشىلىق سالالارىنا شاعىمدانعان, دەپ حابارلايدى dalanews.kz.
كوميتەتتٸڭ ەسەپتٸ كەزەڭدەگٸ جۇمىسى اۋماقتىق دەپارتامەنت باسشىلارى قاتىسقان كەڭەستە قورىتىندىلاندى.
تٷسكەن ٶتٸنٸشتەردٸڭ 23,1 مىڭى, ياعني 31,9 پايىزى بويىنشا تۇتىنۋشىلاردىڭ تالاپتارى قاناعاتتاندىرىلعان. تاعى 26,6 مىڭ ادامعا قۇقىقتىق كٶمەك كٶرسەتٸلٸپ, 16 مىڭ ٶتٸنٸش قۇزىرەتٸنە قاراي تيٸستٸ مەملەكەتتٸك ورگاندارعا جولدانعان.
توعىز اي ٸشٸندە اۋماقتىق دەپارتامەنتتەر كەسٸپكەرلٸك سۋبەكتٸلەرٸنە 1 347 تەكسەرۋ جٷرگٸزدٸ. بۇل 2025 جىلدىڭ سەيكەس كەزەڭٸمەن سالىستىرعاندا 38 پايىزعا كٶپ.
تەكسەرۋ نەتيجەسٸندە 1 836 ەكٸمشٸلٸك ٸس قوزعالىپ, جالپى سوماسى 54,3 ملن تەڭگە ايىپپۇل سالىنعان.
قابىلدانعان شارالاردىڭ نەتيجەسٸندە تۇتىنۋشىلاردىڭ 2,1 ملرد تەڭگە كٶلەمٸندەگٸ قۇقىعى قورعالدى. بۇل سوماعا ازاماتتارعا اقشاسىن قايتارۋ, تاۋاردى ايىرباستاۋ جەنە اۋىستىرۋ جاعدايلارى كٸرەدٸ. سالىستىرۋ ٷشٸن, 2025 جىلدىڭ وسى كەزەڭٸندە اتالعان كٶرسەتكٸش 1,9 ملرد تەڭگە بولعان.
سونىمەن قاتار قوعام نازارىن اۋدارعان 107 ٸس جەكە قارالدى. سونىڭ اياسىندا 365 تۇتىنۋشىعا 1,03 ملرد تەڭگە كٶلەمٸندە كٶمەك كٶرسەتٸلگەن.
اۋماقتىق دەپارتامەنتتەر باتىس قازاقستان, شىعىس قازاقستان جەنە جەتٸسۋ وبلىستارى مەن شىمكەنت قالاسىندا سەگٸز سوت تالابىن بەرگەن. نەتيجەسٸندە 144 تۇتىنۋشىنىڭ قۇقىعى قورعالىپ, ولارعا 5,86 ملن تەڭگەدەن استام قاراجات قايتارىلدى.
كەڭەستە اۋماقتىق دەپارتامەنتتەردەگٸ تەلەفون بايلانىسىنىڭ قولجەتٸمدٸلٸگٸ مەن كەڭەس بەرۋ ساپاسىنا قاتىستى شاعىمدار دا تالقىلاندى. بٶلٸمشە باسشىلارىنا بايلانىس نٶمٸرلەرٸن جاڭارتىپ, تەلەفون جەلٸلەرٸنٸڭ تۇراقتى جۇمىسىن قامتاماسىز ەتۋ جەنە ازاماتتارعا كٶرسەتٸلەتٸن كەڭەستٸڭ ساپاسىن ارتتىرۋ تاپسىرىلدى.
