ٶسكەمەندە سەتباەۆ داڭعىلى مەن جٸبەك جولى كٶشەسٸنٸڭ قيىلىسىندا سالىنىپ جاتقان جاڭا جولايرىق قالانىڭ كٶلٸك قوزعالىسى ەڭ تىعىز ۋچاسكەلەرٸنٸڭ بٸرٸندەگٸ جٷكتەمەنٸ ازايتۋى تيٸس. شىعىس قازاقستان وبلىسىنا جۇمىس ساپارى بارىسىندا قر پرەمەر-مينيسترٸنٸڭ بٸرٸنشٸ ورىنباسارى نۇرلىبەك نەلٸباەۆ نىساننىڭ كٶلٸك قوزعالىسىن قابىلداۋعا دايىندىعىن باعالادى, دەپ حابارلايدى dalanews.kz.
جولايرىق ارقىلى قوزعالىستى كەزەڭ-كەزەڭٸمەن اشۋ جوسپارلانىپ وتىر. كەلەسٸ اپتادا سەتباەۆ داڭعىلىنىڭ بويىنداعى جوعارعى جول ٶتكەلٸمەن كٶلٸك قوزعالىسىن ٸسكە قوسۋ كٶزدەلگەن. شقو ەكٸمٸ نۇرىمبەت ساقتاعانوۆتىڭ ايتۋىنشا, بۇل ٷشٸن ەۋروپادان قوسىمشا ماتەريالدار جەتكٸزٸلۋٸ كەرەك. قاجەتتٸ ماتەريالدار الداعى كٷندەرٸ كەلەدٸ دەپ كٷتٸلۋدە. ودان كەيٸن قۇرىلىس جۇمىستارى ەسەنبەرلين داڭعىلى باعىتىندا جالعاسادى.
قوزعالىستى ٸشٸنارا اشۋداعى باستى تالاپ - قاۋٸپسٸزدٸك. قۇرىلىس جۇمىستارى قولدانىستاعى كٶلٸك قوزعالىسىنا كەدەرگٸ كەلتٸرمەي جٷرگٸزٸلۋٸ كەرەك. سوندىقتان اۆتوكٶلٸكتەردٸڭ ٶتۋٸ جٷرگٸزۋشٸلەرگە قولايسىزدىق تۋدىرمايتىنداي ەرٸ قاۋٸپسٸزدٸككە قاتەر كەلتٸرمەيتٸندەي ۇيىمداستىرىلۋى قاجەت.
نىساندى ارالاۋ بارىسىندا نۇرلىبەك نەلٸباەۆ قالعان ۋچاسكەلەردٸ سەۋٸر ايىنىڭ سوڭىندا اسفالت تٶسەۋگە دايىنداۋ ماڭىزدى ەكەنٸن اتاپ ٶتتٸ. سونىمەن قاتار قۇرىلىس مەرزٸمدەرٸنٸڭ ساقتالۋى جەنە جۇمىس ساپاسى قاتاڭ باقىلاۋدا بولۋى تيٸس ەكەنٸن ايتتى.
جوبانى قارجىلاندىرۋ مەسەلەسٸنە دە نازار اۋدارىلدى. قۇرىلىستىڭ جالپى قۇنى - 36 ملرد تەڭگە. ونىڭ 16 ملرد تەڭگەسٸ بيىل مەملەكەت باسشىسى مەن ٷكٸمەتتٸڭ قولداۋىمەن بٶلٸندٸ. قۇرىلىستى بەكٸتٸلگەن بيۋدجەت شەڭبەرٸندە اياقتاۋ تاپسىرىلدى.
جولايرىق تولىق پايدالانۋعا بەرٸلگەننەن كەيٸن كٶلٸك اعىنى ەكٸ دەڭگەي بويىنشا بٶلٸنەدٸ. جوعارعى دەڭگەيدە سەتباەۆ داڭعىلى بويىمەن باعدارشامعا توقتاماي جٷرۋگە مٷمكٸندٸك تۋادى. ال تٶمەنگٸ دەڭگەيدەگٸ اينالما جول بەس باعىتتى ٶزارا بايلانىستىرادى. جوبا اياسىندا جٸبەك جولى كٶشەسٸن التى جولاققا دەيٸن كەڭەيتۋ جەنە ەسەنبەرلين داڭعىلى جاعىنان قوسىمشا كٸرەبەرٸس سالۋ دا قاراستىرىلعان.
ەسەپ بويىنشا, جولايرىقتىڭ ٶتكٸزۋ قابٸلەتٸ تەۋلٸگٸنە 85 مىڭ اۆتوكٶلٸكتەن 200 مىڭنان استام كٶلٸككە دەيٸن ارتادى. بۇل وبلىس ورتالىعىندا كٶلٸك كەپتەلٸسٸن ازايتىپ, قالانىڭ ەر اۋدانىنداعى قوزعالىس بايلانىسىن جاقسارتۋعا جەنە تۇرعىنداردىڭ جولعا جۇمسايتىن ۋاقىتىن قىسقارتۋعا مٷمكٸندٸك بەرەدٸ.
