جەتٸسۋ ۋنيۆەرسيتەتٸندە يتالياندىق جازۋشى, ەكولوگ جەنە قوعام قايراتكەرٸ روبەرتو بولتريدٸڭ جۋىردا جارىق كٶرگەن «ماركە: شىعىسقا اشىلعان قاقپا» اتتى كٸتابىنىڭ تۇساۋكەسەرٸ ٶتتٸ. يتالييا مەن ورتالىق ازييا اراسىنداعى تاريحي-مەدەني بايلانىستاردى ارقاۋ ەتكەن تۋىندىنىڭ تانىستىرىلىمىنا ۋنيۆەرسيتەت رەكتورى ەرمەك بٶرٸباەۆ, پروفەسسور-وقىتۋشىلار قۇرامى مەن بٸلٸم ورداسىنىڭ قىزمەتكەرلەرٸ قاتىستى. اۆتور ۋنيۆەرسيتەتكە ارنايى كەلٸپ, جاڭا ەڭبەگٸنٸڭ مازمۇنىمەن تانىستىرىپ, كٸتاپتىڭ بٸرنەشە داناسىن وقۋ ورنىنىڭ كٸتاپحاناسىنا تارتۋ ەتتٸ, دەپ حابارلايدى dalanews.kz.
كٸتاپتا يتالييانىڭ ماركە ايماعى مەن ورتالىق ازييا حالىقتارى اراسىنداعى عاسىرلار بويى قالىپتاسقان تاريحي, مەدەني جەنە ەكونوميكالىق بايلانىستار كەڭٸنەن باياندالادى. شىعىس پەن باتىستىڭ ٶزارا ىقپالداستىعى, حالىقتار اراسىنداعى قارىم-قاتىناستاردىڭ تاريحي نەگٸزدەرٸ مەن ولاردىڭ بٷگٸنگٸ كٷندەگٸ جالعاسى كٶرٸنٸس تاپقان.
اۆتور ٶز ەڭبەگٸندە ۇلى جٸبەك جولىنىڭ تاريحي-مەدەني ماڭىزىن زەردەلەي وتىرىپ, وسى كٶنە ٶركەنيەت جولىنىڭ بويىندا ورنالاسقان جەتٸسۋ ٶڭٸرٸنٸڭ تابيعاتىن, تاريحي مۇراسىن جەنە مەدەني ەرەكشەلٸكتەرٸن كەڭٸنەن سۋرەتتەيدٸ. كٸتاپتا شىعىس پەن باتىستى جالعاعان ۇلى جٸبەك جولى ارقىلى قالىپتاسقان تاريحي بايلانىستار مەن ٶركەنيەتتەر ساباقتاستىعى كٶرٸنٸس تاۋىپ, جەتٸسۋ جەرٸنٸڭ باي تاريحى مەن رۋحاني قۇندىلىقتارىن شەتەلدٸك وقىرمانعا تانىستىرادى. كٸتاپتىڭ تانىستىرىلىمىندا سٶز العان روبەرتو بولتري قازاقستانمەن بايلانىسى جەنە جەتٸسۋ ٶڭٸرٸنەن العان ەسەرٸ تۋرالى ەڭگٸمەلەدٸ. ۇزاق جىلدار الماتى قالاسىندا تۇرعانىن ايتىپ, قازاقستاننىڭ تابيعي بايلىعى, تاريحي مۇراسى مەن مەدەني ەرەكشەلٸكتەرٸ شىعارماشىلىعىنا ىقپال ەتكەنٸن اتاپ ٶتتٸ. ەسٸرەسە, جەتٸسۋ جەرٸنٸڭ كٶركەم تابيعاتى, باي تاريحى مەن ٶزٸندٸك رۋحاني بولمىسى ٶڭٸرگە دەگەن قىزىعۋشىلىعىن ارتتىرعانىن جەتكٸزدٸ.
«مەن بۇل تۋىندىمدا ماركە ايماعى مەن ورتالىق ازييا اراسىنداعى تاريحي جەنە مەدەني ۇقساستىقتاردى سيپاتتادىم. كٶركەم قالا تالدىقورعانداعى جەتٸسۋ ۋنيۆەرسيتەتٸندە اشىلعان ماركە پوليتەحنيكالىق ۋنيۆەرسيتەتٸنٸڭ (Università Politecnica delle Marche) فيليالىنا ەرەكشە مەن بەردٸم. بۇل – ەكٸ ەل اراسىنداعى عىلىم مەن بٸلٸم بايلانىسىنىڭ بٷگٸنگٸ كٷندەگٸ ماڭىزدى ەرٸ ناقتى نەتيجەلەرٸنٸڭ بٸرٸ دەپ ەسەپتەيمٸن», – دەدٸ روبەرتو بولتري.
اۆتوردىڭ جاڭا ەڭبەگٸندە جەتٸسۋ ۋنيۆەرسيتەتٸنە ەرەكشە ورىن بەرٸلۋٸ كەزدەيسوق ەمەس. بٷگٸندە بٸلٸم ورداسىندا يتالييانىڭ ماركە پوليتەحنيكالىق ۋنيۆەرسيتەتٸمەن بٸرلەسكەن اكادەمييالىق قارىم-قاتىناس دامىپ, بٸلٸم بەرۋ مەن عىلىمي ىنتىماقتاستىقتىڭ جاڭا مٷمكٸندٸكتەرٸ قالىپتاسۋدا. بۇل ەرٸپتەستٸك حالىقارالىق تەجٸريبە الماسۋعا, ستۋدەنتتەردٸڭ كەسٸبي دايارلىعىن جەتٸلدٸرۋگە جەنە ەكٸ ەلدٸڭ جوعارى وقۋ ورىندارى اراسىنداعى ٶزارا ىقپالداستىقتى تەرەڭدەتۋگە جول اشادى.
ۋنيۆەرسيتەت رەكتورى ەرمەك بٶرٸباەۆ روبەرتو بولتريگە مازمۇندى ەڭبەگٸ مەن بٸلٸم ورداسىنا ارنايى كەلگەنٸ ٷشٸن العىس بٸلدٸردٸ. رەكتور اۆتوردىڭ قازاقستانمەن ۇزاق جىلدار بويى بايلانىس ورناتىپ, ەل تاريحى مەن مەدەنيەتٸن شەتەلدٸك وقىرمانعا تانىتۋعا ٷلەس قوسىپ جٷرگەنٸن اتاپ ٶتتٸ. سونداي-اق جاڭا كٸتاپتا جەتٸسۋ ۋنيۆەرسيتەتٸ مەن ونىڭ بازاسىندا جۇمىس ٸستەيتٸن يتالياندىق جوعارى وقۋ ورنى فيليالىنىڭ قىزمەتٸنە نازار اۋدارىلۋى ەكٸ ەل اراسىنداعى ىنتىماقتاستىقتىڭ ماڭىزىن ايقىندايتىنىن جەتكٸزدٸ.
«جەتٸسۋ ۋنيۆەرسيتەتٸنە ارنايى ات باسىن بۇرىپ, فيليالدىڭ جۇمىسىمەن تانىسقانىڭىزعا, بٸلٸم الىپ جاتقان ستۋدەنتتەرمەن جەنە يتالياندىق وقىتۋشىلارمەن كەزدەسكەنٸڭٸزگە العىس ايتامىن. سٸزدٸڭ ەڭبەگٸڭٸزدە ۋنيۆەرسيتەت قىزمەتٸنە ورىن بەرٸلۋٸ بٸز ٷشٸن ەرەكشە قۋانىش. فيليال كٸتاپحاناسى سٸز تارتۋ ەتكەن ەكولوگييالىق جەنە تاريحي تاقىرىپتاعى ەڭبەكتەرمەن, ونىڭ ٸشٸندە «ماركە: شىعىسقا اشىلعان قاقپا» كٸتابىمەن تولىقتى. بٸزدٸڭ ستۋدەنتتەر سٸزدٸڭ شىعارماڭىز ارقىلى يتالييانىڭ ماركە ٶڭٸرٸنٸڭ تاريحىن, ورتالىق ازييامەن بايلانىسىن جەنە ەكٸ ەل اراسىنداعى قازٸرگٸ اكادەمييالىق ەرٸپتەستٸكتٸڭ قالىپتاسۋ جولىن بٸلەتٸن بولدى. بۇل باسىلىمدار قۇندى دەرەككٶزگە اينالادى دەپ سەنەمٸن. سٸزگە شىعارماشىلىق تابىس تٸلەيمٸن», – دەدٸ ەرمەك بٶرٸباەۆ.
جازۋشىنىڭ بۇعان دەيٸن جارىق كٶرگەن «ۇمىتىلعان قاسٸرەت» اتتى ەڭبەگٸ دە قۇندى. كارلاگ لاگەرٸندە قۋعىن-سٷرگٸنگە ۇشىراعان يتالياندىقتاردىڭ تاعدىرىن ارقاۋ ەتكەن بۇل كٸتاپ تاريحي جادىنى ساقتاۋ مەن ٶتكەننٸڭ اقتاڭداقتارىن زەردەلەۋدٸڭ ماڭىزىن كٶرسەتەدٸ. اۆتوردىڭ وسىنداي تاقىرىپتارعا قالام تارتۋى ونىڭ قازاقستانعا دەگەن قىزىعۋشىلىعىنىڭ تەك مەدەني بايلانىستارمەن شەكتەلمەگەنٸن, ەل تاريحىن تەرەڭٸرەك تانىپ, ونى ٶزگە جۇرتقا جەتكٸزۋگە دە مەن بەرەتٸنٸن اڭعارتادى.
روبەرتو بولتريدٸڭ جەتٸسۋ ۋنيۆەرسيتەتٸنە ساپارى – جاڭا كٸتاپتىڭ تۇساۋكەسەرٸ عانا ەمەس ماڭىزدى مەدەني-اكادەمييالىق كەزدەسۋ. ٸس-شارا تاريحي مۇرا مەن قازٸرگٸ بٸلٸم بەرۋ سالاسىنداعى ىنتىماقتاستىقتىڭ ٶزارا ساباقتاستىعىن كٶرسەتٸپ, ەكٸ ەل اراسىنداعى قارىم-قاتىناستىڭ مازمۇنىن كەڭەيتە تٷستٸ.
