الماتىنىڭ مەدەۋ اۋدانىندا كٶشەلەردٸ جارىقتاندىرۋ جۇمىستارى جالعاسىپ جاتىر. جىل باسىنان بەرٸ بۇرىن جارىق بولماعان 43 ۋچاسكە قامتىلدى. جوبا اياسىندا 244 باعانا مەن 303 جارىق شامىن ورناتۋ كٶزدەلگەن. جارىقتاندىرۋ جەلٸلەرٸنٸڭ جالپى ۇزىندىعى 8,3 شاقىرىمنان اسادى, دەپ حابارلايدى dalanews.kz.
قازٸر بٸرقاتار ۋچاسكەدە جۇمىس اياقتالىپ, قالعان اۋماقتاردا شامدار ورناتىلىپ جاتىر. ولاردىڭ قاتارىندا قۇلجا تاس جولىنان تالعار تاس جولىنا دەيٸنگٸ تەكساي ٶزەنٸنٸڭ بويى, شەۆچەنكو كٶشەسٸ, 28-ٷي, مونتاجنيك كٶشەسٸ, 36-ٷي, توپولەۆايا كٶشەسٸنٸڭ ەسەنبەرلين كٶشەسٸنەن ورمانوۆ كٶشەسٸنە دەيٸنگٸ بٶلٸگٸ, سۇلۋساي شاعىناۋدانى جەنە مەدەۋ كٶشەسٸ, 11-مەكەنجايىنداعى باسپالداق بار.
بۇعان دەيٸن جارىق بولماعان قاسىم قايسەنوۆ كٶشەسٸنە دە جاڭا شامدار ورناتىلدى. مۇندا 21 باعانا, ونىڭ ٸشٸندە ەكٸ قوس يٸندٸ باعانا جەنە 23 جارىق شامى ورناتىلدى. 900 مەتر ٶزدٸگٸنەن كٶتەرگٸش وقشاۋلانعان سىم تارتىلىپ, قولدانىستاعى سىمنىڭ بٸر بٶلٸگٸ اۋىستىرىلدى.
بۇل جۇمىستار جٷرگٸنشٸلەر مەن جٷرگٸزۋشٸلەردٸڭ قاۋٸپسٸزدٸگٸن ارتتىرىپ, كەشكٸ جەنە تٷنگٸ ۋاقىتتا جٷرٸپ-تۇرۋعا قولايلى جاعداي جاساۋعا مٷمكٸندٸك بەرەدٸ.
