Qazaqstan Ortalyq jáne Ońtústik Aziia elderi arasynda "Bilim berý" kórsetkishi boiynsha birinshi orynǵa ie boldy, dep habarlaidy dalanews.kz.
2025 jylǵy Jahandyq innovatsiialar indeksiniń (Global Innovation Index) nátijesi boiynsha Qazaqstan Ortalyq jáne Ońtústik Aziia elderi arasynda "Bilim berý" kórsetkishi boiynsha birinshi orynǵa ie boldy. Álemdik reitingte elimiz 68-orynǵa shyqty.
Halyqaralyq menedjmentti damytý institýtynyń (IMD) Álemdik básekege qabilettilik reitinginde de oń dinamika baiqaldy. "Bilim berý" kórsetkishi boiynsha Qazaqstan 69 eldiń arasynda 2021 jylǵy 45-orynnan 2025 jyly 38-orynǵa kóterilip, keiingi bes jyldaǵy eń joǵary nátijege qol jetkizdi.
Taǵy bir mańyzdy jetistik - Qazaqstan orta bilim berý júiesindegi oqýshylar men pedagogter sanynyń araqatynasy boiynsha 69 eldiń arasynda ekinshi oryn alýy. IMD-nyń Álemdik talanttar reitinginiń málimetine sáikes elimizde bir pedagogke 8,34 oqýshydan keledi.
"Halyqaralyq reitingterdiń kórsetkishteri Qazaqstannyń bilim berý salasyndaǵy ornyn aiqyndap, adami kapitaldy nyǵaitýdaǵy bilim berý júiesin júieli damytýdyń mańyzyn kórsetedi", - dedi Oqý-aǵartý ministrligi ókilderi.
