Prezident Qasym-Jomart Toqaev Qazaqstandaǵy iri qalalardyń damýyn júieli josparlaý qajettigin aitty. Memleket basshysy Úkimetke árbir iri qalanyń orta jáne uzaq merzimdi damý josparyn bekitýdi, sondai-aq qala infraqurylymynyń tsifrlyq syńaryn ázirleýdi tapsyrdy, dep habarlaidy dalanews.kz.
Prezident aýyldyq eldi mekenderdi damytý máselesi memleket nazarynan tys qalmaitynyn atap ótti. Onyń aitýynsha, aýyl turǵyndarynyń turmys sapasyn jaqsartýmen qatar, ekonomikalyq ósimniń negizgi ortalyqtaryna ainalǵan qalalardy damytýǵa da basymdyq berilýi kerek.
"Biz aýyl-aimaqtardy damytý máselesin árdaiym erekshe baqylaýda ustaimyz. Aýyldaǵy turǵyndardyń laiyqty ómir súrýi úshin barynsha jaǵdai jasap otyrmyz. Alaida, qazir ekonomika, bilim men tehnologiianyń tiregi de, talanttardy shyńdaityn da negizgi qalalar ekenin atap ótken jón", – dedi Toqaev.
Memleket basshysynyń sózinshe, qalalardyń damýy tutas óńirdiń ekonomikalyq áleýetine tikelei áser etedi. Sondyqtan iri qalalardyń keleshegi naqty josparǵa negizdelýi tiis.
"Saiyp kelgende, qýatty qalalar qýatty aimaqtardyń, al qýatty aimaqtar kúshti memlekettiń negizin qalaidy. Sondyqtan árbir iri qalanyń Úkimet bekitken naqty orta jáne uzaq merzimdegi damý jospary bolýǵa tiis", – dedi Prezident.
Sonymen qatar Qasym-Jomart Toqaev qala infraqurylymyn basqarýǵa zamanaýi tsifrlyq tehnologiialardy engizý qajettigin aitty. Osy maqsatta Úkimet ákimdiktermen birlesip, qalalardyń tsifrlyq syńaryn ázirleýi kerek.
Bul tehnologiia qaladaǵy ǵimarattar, joldar, injenerlik jeliler jáne basqa da infraqurylym nysandary týraly málimetterdi bir júiege jinaqtap, olardyń jaǵdaiyn baqylaýǵa jáne aldaǵy ózgeristerdi josparlaýǵa múmkindik beredi.
Prezident qalalardyń qaýipsizdigin qamtamasyz etý, turǵyndarǵa qolaily orta qalyptastyrý jáne shaharlardyń kelbetin jaqsartý mańyzdy memlekettik mindet ekenin atap ótti.
"Qalalardyń qaýipsiz, jaily, kórikti bolýyna basymdyq, iaǵni prioritet retinde qarai otyryp, bul isti asa mańyzdy memlekettik mindet dep qabyldaý kerek. Bul – «Taza Qazaqstan» jalpyulttyq tujyrymdamasyna tolyq sai keletin talap", – dedi Memleket basshysy.
Toqaevtyń aitýynsha, qalalardyń qarqyndy damýy sol óńirdiń ekonomikasyn órkendetip qana qoimai, turǵyndardyń áleýetin arttyrýǵa da yqpal etedi.
