Qazaqstandyq kásipker, «Qairat» fýtbol klýbynyń iesi Qairat Boranbaevtyń Londonda ótken «Altyn dop» marapattaý rásimine qatysýyna qatysty Qylmystyq-atqarý júiesi komiteti túsinikteme berdi. Vedomstvonyń málimetinshe, kásipker sapar kezinde probatsiialyq baqylaýda bolmaǵan. Bul týraly Nege.kz basylymy habarlady, dep habarlaidy dalanews.kz.
Basylymnyń jazýynsha, 2026 jylǵy 1 maýsymda sot Qairat Boranbaevty bas bostandyǵyn shekteý túrindegi jazasyn odan ári óteýden shartty túrde merziminen buryn bosatý týraly ótinishin qanaǵattandyrǵan.
Qylmystyq-atqarý júiesi komiteti kásipkerdiń Londonǵa sapary kezinde probatsiialyq baqylaýda bolmaǵanyn resmi jaýapta túsindirgen.
Eske salaiyq, Qairat Boranbaev 26 qazanda Londonda ótken «Altyn dop» marapattaý rásiminde kózge túsken. Ol – Qazaqstannyń burynǵy prezidenti Nursultan Nazarbaevtyń qyzy Dariǵa Nazarbaevanyń burynǵy qudasy.
Kásipker 2022 jylǵy naýryzda kvazimemlekettik sektorda asa iri mólsherde qarajat jymqyrdy degen kúdikpen ustalǵan.
