Kásipker Keńes Raqyshev áleýmettik jelide jubaiy Áseldi týǵan kúnimen quttyqtap, otbasyna qosqan úlesi úshin alǵys bildirdi. Ol jazbasynda jarynyń tórt balanyń tárbiesin kásipkerlik jáne qoǵamdyq qyzmetpen qatar alyp júrgenin atap ótti, dep habarlaidy dalanews.kz.
Keńes Raqyshev jubaiyn otbasynyń berekesi men tiregi dep sipattap, onyń balalarynyń tárbiesi men bolashaǵyna erekshe kóńil bóletinin jazdy.
"Sen meniń ómirlik serigim ǵana emes, tórt balamyzdyń aiaýly anasy, otbasymyzdyń berekesi men tiregisiń. Balalarymyzdyń tárbiesine, olardyń bolashaǵyna, otbasymyzdyń birligi men baqytyna qosyp júrgen úlesiń úshin saǵan alǵysym sheksiz", – dedi ol.
Kásipkerdiń sózinshe, Ásel Raqysheva otbasylyq mindettermen qatar óz kásibin damytyp, qoǵamǵa paidaly bastamalarǵa da belsendi aralasyp júr. Ol basqaratyn mektepte balalardyń sapaly bilim alýyna jaǵdai jasalyp, oqýshylardyń dúnietanymyn keńeitýge jáne ata-analarmen bailanysty nyǵaitýǵa baǵyttalǵan tanymdyq is-sharalar uiymdastyrylady.
Sondai-aq Keńes Raqyshev jubaiynyń ekologiia salasyndaǵy eńbegi men qaiyrymdylyq bastamalaryna toqtaldy. Onyń pikirinshe, adamnyń shynaiy bailyǵy ózgelerge jasaǵan jaqsylyǵymen ólshenedi.
"Men úshin seniń eń úlken jetistigiń – osynshama isti qatar alyp júrip, otbasyńa degen meiirimiń men balalaryńa degen mahabbatyńdy joǵaltpaǵanyń. Biz seni jaqsy kóremiz, baǵalaimyz jáne senimen maqtanamyz", – dep jazdy kásipker.
Jazbasynyń sońynda Keńes Raqyshev jubaiyn týǵan kúnimen quttyqtap, jyly lebizin bildirdi.
