Qyzylordada jol erejesin óreskel buzǵan kortej qatysýshylary jazalandy, dep habarlaidy dalanews.kz.
Áleýmettik jelige júrgizilgen monitoring barysynda politsiia qyzmetkerleri quqyqqa qaishy beinejazbany anyqtady.
Politseiler birneshe júrgizýshi kortej uiymdastyrǵanyn anyqtap, quqyqbuzýshylyqtyń jolyn kesti.
Kortej qozǵalysy barysynda júrgizýshiler manevr jasaý qaǵidalaryn jáne mindetti saqtandyrý talaptaryn buzyp, jol apaty jaǵdaiyn týǵyzǵan. Buǵan qosa olar kólikti toqtatý jáne turaqqa qoiý qaǵidalaryn buzyp, usaq buzaqylyq jasaǵan, sondai-aq, qaýipsizdik beldigin taqpaǵan.
Barlyq qatysýshy anyqtalyp, politsiia bólimine jetkizildi. Olar 19-26 jas aralyǵyndaǵy Qyzylorda qalasynyń turǵyndary bolyp shyqty.
8 quqyq adamǵa qatysty 27 hattama rásimdelip, aiyppul salyndy. Olardyń ishinde tórteýi usaq buzaqylyq jasaǵany úshin sot sheshimimen 5 táýlikke ákimshilik qamaýǵa alyndy. Jeti kólik arnaiy turaqqa qoiyldy.
