Búgin Abai ýniversitetinde «Altyn adam murasyn zertteý jáne saqtaýdyń ózekti máseleleri: arheologiia, arheogenetika, mýzeilendirý jáne tarihi-mádeni interpretatsiia» taqyrybynda halyqaralyq ǵylymi-tájiribelik konferentsiia ótti. Is-shara dástúrli «VII Esik oqýlary» aiasynda uiymdastyrylyp, Qazaqstan, Qytai, Ázirbaijan, Ózbekstan, Túrkiia, Italiia jáne basqa da elderdiń zertteýshi-ǵalymdarynyń basyn qosty, dep habarlaidy dalanews.kz.
«Altyn adam» murasyn jan-jaqty ǵylymi turǵydan zerdeleýdi, ejelgi órkenietter tarihyn zertteýdiń zamanaýi ádisterin talqylaýdy jáne halyqaralyq ǵylymi yntymaqtastyqty nyǵaitýdy maqsat etken konferentsiia «Qazaqstan-Qytai: arheologiialyq murany saqtaý jolyndaǵy yntymaqtastyq» atty kórmeniń ashylýymen bastaldy. Plenarlyq otyrysta Esik jazýynyń shyǵý tegi men ǵylymi mańyzy, ejelgi túrki jazba eskertkishteri, saq dáýiriniń arheologiialyq qundylyqtary talqylandy. Sondai-aq Altyn adam beinesin qaita qalpyna keltirý jáne tarihi murany halyqaralyq deńgeide tanytý máselesinede airyqsha nazar aýdaryldy.
Ǵylymi-praktikalyq konferentsiia ázirbaijandyq ǵalym Firýdin Djalilov Esik jazýynyń tiline toqtalsa, Qytai zertteýshisi Din Ian qytai jazba derekterindegi úisinder týraly alǵashqy zertteýlerdi qarastyrdy. Túrkistandyq ǵalym Bekjan Orynbai Esik jazýynyń tarihi jáne kartografiialyq mańyzy jónindegi ǵylymi paiymdaryn usyndy. Al belgili restavrator Qyrym Altynbekov «Altyn adam» beinesin qaita jańǵyrtý jumysynyń ereksheligi men onyń qazirgi qoǵamdaǵy mádeni yqpaly týraly sóz qozǵady.
«VII Esik oqýlary» tarihi-mádeni murany tsifrlandyrý, mýzei isine innovatsiialyq tehnologiialardy engizý jáne jasandy intellekt múmkindikterin paidalaný máselelerin de qamtydy.Atap aitqanda, Orhon-Enisei jazbalaryn tsifrlyq ádistermen zertteý, arheologiialyq landshafttardy mýzeilendirý jáne mádeni murany zamanaýi tehnologiialar arqyly saqtaý baǵyttaryn usyndy.
Abai ýniversiteti ǵalymdary men jas zertteýshileriniń baiandamalary arheologiialyq murany bilim berý júiesine engizý, tarihi tanymdy damytý jáne ǵylymi nátijelerdi pedagogikalyq tájiribemen ushtastyrýǵa baǵyttaldy. Konferentsiia otandyq jáne sheteldik ǵalymdarǵa ǵylymi tájiribe almasyp, jańa zertteý baǵyttaryn talqylaýǵa jáne halyqaralyq bailanystardy nyǵaitýǵa jol ashty. Halyqaralyq basqosý eki ǵylymi sektsiiaǵa jalǵasyp, joǵary oqý orny ǵalymdary, Esik memlekettik tarihi-mádeni mýzei-qoryǵynyń qyzmetkerleri baiandama jasady.
