Álemdegi eń iri kriptovaliýta birjalarynyń biri Binance kibershabýylǵa ushyraǵanyn málimdedi. Aldyn ala esep boiynsha osy oqiǵadan kelgen shyǵyn 6,3 milliard dollarǵa jetýi múmkin. Kompaniia aqsha engizý men shyǵarý operatsiialaryn ýaqytsha toqtatyp, paidalanýshylardyń barlyq shyǵynyn óteitinin málimdedi, dep habarlaidy dalanews.kz.
Kibershabýyl týraly alǵashqy aqparat 29 qazanda tarady. BAQ belgisiz kriptoámiianǵa shamamen 3,5 milliard dollar aýdarylǵanyn habarlaǵan. Keibir mamandar kúmándi operatsiialardyń jalpy kólemi budan da kóp bolýy múmkin dep esepteidi.
Osy aqparattan keiin kriptovaliýta shyǵarýshylar oqiǵaǵa qatysy bolýy múmkin aktivterdi buǵattai bastady.
Boljam boiynsha shabýyldaýshylar qyzmettik konteinerge qol jetkizip, qarajatty shyǵarý úshin ruqsatsyz tranzaktsiialar jasaǵan.
Kompaniia kriptoámiiandardyń jabyq kiltteri syrtqa tarady degen belgi joq ekenin habarlady. Tergeý aiaqtalyp, oqiǵanyń barlyq mán-jaiy anyqtalǵannan keiin tehnikalyq esep jariialanbaq.
Binance aldyn ala esep boiynsha keltirilgen jalpy shyǵyndy shamamen 6,3 milliard dollarǵa baǵalady.
