ەلەمدەگٸ ەڭ ٸرٸ كريپتوۆاليۋتا بيرجالارىنىڭ بٸرٸ Binance كيبەرشابۋىلعا ۇشىراعانىن مەلٸمدەدٸ. الدىن الا ەسەپ بويىنشا وسى وقيعادان كەلگەن شىعىن 6,3 ميلليارد دوللارعا جەتۋٸ مٷمكٸن. كومپانييا اقشا ەنگٸزۋ مەن شىعارۋ وپەراتسييالارىن ۋاقىتشا توقتاتىپ, پايدالانۋشىلاردىڭ بارلىق شىعىنىن ٶتەيتٸنٸن مەلٸمدەدٸ, دەپ حابارلايدى dalanews.kz.
كيبەرشابۋىل تۋرالى العاشقى اقپارات 29 قازاندا تارادى. باق بەلگٸسٸز كريپتوەمييانعا شامامەن 3,5 ميلليارد دوللار اۋدارىلعانىن حابارلاعان. كەيبٸر ماماندار كٷمەندٸ وپەراتسييالاردىڭ جالپى كٶلەمٸ بۇدان دا كٶپ بولۋى مٷمكٸن دەپ ەسەپتەيدٸ.
وسى اقپاراتتان كەيٸن كريپتوۆاليۋتا شىعارۋشىلار وقيعاعا قاتىسى بولۋى مٷمكٸن اكتيۆتەردٸ بۇعاتتاي باستادى.
بولجام بويىنشا شابۋىلداۋشىلار قىزمەتتٸك كونتەينەرگە قول جەتكٸزٸپ, قاراجاتتى شىعارۋ ٷشٸن رۇقساتسىز ترانزاكتسييالار جاساعان.
كومپانييا كريپتوەمييانداردىڭ جابىق كٸلتتەرٸ سىرتقا تارادى دەگەن بەلگٸ جوق ەكەنٸن حابارلادى. تەرگەۋ اياقتالىپ, وقيعانىڭ بارلىق مەن-جايى انىقتالعاننان كەيٸن تەحنيكالىق ەسەپ جارييالانباق.
Binance الدىن الا ەسەپ بويىنشا كەلتٸرٸلگەن جالپى شىعىندى شامامەن 6,3 ميلليارد دوللارعا باعالادى.
