قازاقستاندىقتار الداعى ۋاقىتتا قىرعىزستان, تەجٸكستان, ٶزبەكستان جەنە ەزەربايجاندا ٶز بانكتەرٸنٸڭ موبيلدٸ قوسىمشاسى ارقىلى QR-كودپەن تٶلەم جاساي الادى. بۇل ەلدەر اراسىندا ۇلتتىق QR-تٶلەم جٷيەلەرٸن بٸرٸكتٸرۋ جوسپارلانىپ وتىر. جوبانىڭ تەتٸگٸ 2026 جىلدىڭ سوڭىنا دەيٸن ەزٸرلەنبەك, دەپ حابارلايدى dalanews.kz.
بۇل تۋرالى قازاقستان ۇلتتىق بانكٸنٸڭ باسپاسٶز قىزمەتٸ حابارلادى. تەجٸكستاندا قازاقستان, قىرعىزستان, تەجٸكستان, ٶزبەكستان جەنە ەزەربايجان ورتالىق بانكتەرٸ ٶكٸلدەرٸنٸڭ تٶلەم جٷيەلەرٸن بٸرلەسٸپ دامىتۋ مەسەلەسٸنە ارنالعان تٶرتٸنشٸ ٶڭٸرلٸك كەزدەسۋٸ ٶتتٸ.
جيىندا قازاقستاننىڭ ۇلتتىق QR-تٶلەم جٷيەلەرٸن ٶزارا بٸرٸكتٸرۋ تۋرالى ۇسىنىسى قولداۋ تاپتى. تاراپتار 2026 جىلدىڭ سوڭىنا دەيٸن تيٸستٸ تەتٸكتٸ ەزٸرلەۋدٸ جوسپارلاپ وتىر.
جوبا جٷزەگە اسسا, اتالعان بەس ەلدٸڭ تۇرعىندارى شەتەلدە تاۋارلار مەن قىزمەتتەردٸڭ اقىسىن ٶز بانكتەرٸنٸڭ ٷيرەنشٸكتٸ موبيلدٸ قوسىمشاسى ارقىلى تٶلەي الادى. سونداي-اق بٸر ەلدەن ەكٸنشٸ ەلگە اقشانى لەزدە اۋدارۋ مٷمكٸندٸگٸ قاراستىرىلادى.
كەزدەسۋ بارىسىندا قاتىسۋشىلار تٶلەم جٷيەلەرٸنٸڭ تۇراقتى جۇمىس ٸستەۋٸن قامتاماسىز ەتۋ, ولاردى كيبەرشابۋىلداردان قورعاۋ مەسەلەلەرٸن دە تالقىلادى.
بۇدان بٶلەك, تٶلەم جٷيەلەرٸن قاداعالاۋدا جاساندى ينتەللەكت, SupTech جەنە RegTech تەحنولوگييالارىن قولدانۋ, سونداي-اق الاياقتىقپەن كٷرەسۋدٸڭ ٶزەكتٸ تەسٸلدەرٸ قارالدى.
