كەشە كەشكە Binance ەميياندارىنان بەلگٸسٸز مەكەنجايلارعا ميللياردتاعان دوللاردىڭ كريپتوۆاليۋتاسى اۋدارىلا باستاعان. بٷگٸن بيرجا بۇل شابۋىلدى رەسمي راستادى. نەتيجەسٸندە 6,3 ميلليارد دوللارلىق كريپتوۆاليۋتا ۇرلاندى. الدىن الا تەرگەۋ بويىنشا, حاكەرلەر كومپانييانىڭ DevOps ينجەنەرٸ پايدالانعان نوۋتبۋككە قول جەتكٸزٸپ, ٸشكٸ تەحنولوگييالىق جٷيەگە ەنگەن بولۋى مٷمكٸن. نەتيجەسٸندە رۇقساتسىز قارجى اۋدارىمدارى جٷرگٸزٸلگەن, دەپ حابارلايدى dalanews.kz Dala Inside تەلەگرام ارناسىنا سٸلتەمە جاساپ.
"Binance بٸزدٸڭ استانا حالىقارالىق بيرجاسىندا ليتسەنزييالانعان ٸرٸ كريپتوبيرجا بولعاندىقتان, بٷگٸن بٸردەن رەاكتسييا بولدى. ابىروي بولعاندا كريپتوۆاليۋتانىڭ بلوكچەين تەحنولوگيياسى بۇزىلعان جوق. الدىن الا مەلٸمەت بويىنشا, تسيفرلىق ەمييانداردىڭ جەكە كٸلتتەرٸ دە سىرتقا شىقپاعان. ەندٸ كريپتواكتيۆتەرٸ قولدى بولعان ينۆەستورلاردىڭ ٸشٸندە قازاقستان ازاماتتارى بار ما, سول مەسەلە انىقتالادى", - دەدٸ, DALA INSIDE دەرەككٶزٸ.
بٷگٸن Binance باسقا كريپتوكومپانييالاردىڭ كٶمەگٸمەن شامامەن 3 ميلليارد دوللاردىڭ اكتيۆٸن بۇعاتتاعانىن حابارلادى. بٸراق قالعان 3,3 ميلليارد دوللارعا قاتىستى مەسەلە تولىق شەشٸلگەن جوق. كومپانييا شىعىنداردى ٶزٸنٸڭ كاپيتالى جەنە SAFU رەزەرۆتٸك قورى ەسەبٸنەن ٶتەيتٸنٸن مەلٸمدەپ وتىر. دەگەنمەن بۇل قاراجاتتىڭ بارلىعى بٸرجولا جوعالدى دەگەن تٷپكٸلٸكتٸ قورىتىندى جاساۋعا ەلٸ ەرتە. تەرگەۋ جالعاسۋدا.
بيىل شٸلدە ايىندا Binance Kazakhstan تەڭگەمەن جۇمىس ٸستەيتٸن رەتتەلەتٸن P2P ساۋدا سەرۆيسٸن ٸسكە قوسقان بولاتىن. ياعني بۇل پلاتفورما وتاندىق قارجى ينفراقۇرىلىمىمەن دە بايلانىسىپ ٷلگەردٸ. وسى تۇرعىدان العاندا, قازاقستاندىق نارىق قاتىسۋشىلارىنىڭ الاڭداۋىنا نەگٸز بار.
بٸرٸنشٸدەن, حالىقارالىق Binance ينفراقۇرىلىمىنداعى قاۋٸپسٸزدٸك مەسەلەسٸنٸڭ جەرگٸلٸكتٸ پلاتفورماعا ەسەرٸ قانداي بولاتىنى ماڭىزدى. ەكٸنشٸدەن, قازاقستاندىق كليەنتتەردٸڭ اكتيۆتەرٸ قالاي ساقتالاتىنى جەنە ولاردىڭ حالىقارالىق جٷيەدەگٸ وپەراتسييالاردان قانشالىقتى وقشاۋلانعانى تۋرالى سۇراق تۋىندايدى. ٷشٸنشٸدەن, كريپتوۆاليۋتا مەن تەڭگە اراسىنداعى ايىرباستاۋ وپەراتسييالارىنىڭ ٷزدٸكسٸزدٸگٸ دە نازاردا بولادى.
ەزٸرگە قازاقستانداعى Binance Kazakhstan كليەنتتەرٸنٸڭ قاراجاتى جوعالعانى نەمەسە جەرگٸلٸكتٸ پلاتفورمانىڭ قاۋٸپسٸزدٸك جٷيەسٸ بۇزىلعانى تۋرالى راستالعان اقپارات جوق. سوندىقتان حالىقارالىق دەڭگەيدەگٸ وقيعانى قازاقستانداعى اكتيۆتەردٸڭ تٸكەلەي جوعالۋىمەن شاتاستىرۋعا بولمايدى. الايدا بۇل جاعداي وتاندىق كريپتونارىقتاعى تەۋەكەلدەردٸ باسقارۋ جٷيەسٸنە ەرەكشە نازار اۋدارۋعا نەگٸز بەرەدٸ.
مۇندا تاعى بٸر ماڭىزدى ەكونوميكالىق مەسەلە بار. كريپتوۆاليۋتا بيرجاسى دەستٷرلٸ بانك ەمەس. ونىڭ كليەنتتەر الدىنداعى مٸندەتتەمەلەرٸ, رەزەرۆتەردٸ ساقتاۋ تەرتٸبٸ جەنە شىعىنداردى ٶتەۋ مەحانيزمدەرٸ بانك سەكتورىنداعى دەپوزيتتەردٸ قورعاۋ جٷيەسٸمەن بٸردەي ەمەس. سوندىقتان Binance بارلىق شىعىندى ٶتەيمٸز دەپ مەلٸمدەگەنٸمەن, مۇنداي ۋەدەنٸڭ ناقتى قارجىلىق قامتاماسىز ەتٸلۋٸ مەن ورىندالۋ مەرزٸمٸ شەشۋشٸ رٶل اتقارادى.
وقيعا كريپتوۆاليۋتا نارىعىنداعى باعاعا دا ەسەر ەتتٸ. بيتكوين مەن Ethereum ارزاندادى, BNB توكەنٸ دە قىسىمعا ۇشىرادى. بۇل جەردە باستى تەۋەكەل تەك ۇرلانعان ميللياردتاردا ەمەس. ٸرٸ بيرجاعا دەگەن سەنٸم ەلسٸرەسە, ينۆەستورلار اكتيۆتەرٸن باسقا الاڭدارعا كٶشٸرۋگە تىرىسادى. مۇنداي جاعدايدا ٶتٸمدٸلٸككە قىسىم كٷشەيٸپ, باعالاردىڭ قۇبىلمالىلىعى ارتۋى مٷمكٸن.
