Freedom Holding Corp. toby men negizgi investory «Báiterek» ulttyq investitsiialyq holdingi» AQ-tyń enshiles uiymy — «Qazaqstan Investment Corporation» AQ bolyp tabylatyn Kokzhiyek Fund L.P. Freedom kompaniialar tobynyń investitsiialyq jobalaryn obligatsiialyq qarjylandyrý týraly kelisimge qol qoidy, dep habarlaidy dalanews.kz.
Kelisim sheńberinde Qazaqstandaǵy investitsiialyq jobalar qarjylandyrylady. Olardyń qatarynda derekter ortalyqtaryn, jasandy intellektke arnalǵan esepteý klasterin, magistraldyq bailanys jelilerin, halyqaralyq bailanys arnalary men platformalaryn damytý, transshekaralyq saýda men logistikany órkendetý, sondai-aq ekonomikanyń basqa da salalaryndaǵy jobalar bar.
Freedom tsifrlyq jáne tehnologiialyq infraqurylymy men servisterin júieli túrde damytyp keledi: ol telekommýnikatsiialyq aktivterin keńeitip, memlekettik organdarmen birlesip tsifrlyq jáne esepteý infraqurylymyn qurý baǵytynda jumys júrgizýde. Bul kelisim — toptyń qoldanystaǵy damý josparynyń bir bóligi. Jobalardy iske asyrý klientter men bizneske usynylatyn tsifrlyq sheshimder aiasyn keńeitýge baǵyttalǵan.
Freedom kompaniiasynyń «Báiterek» ulttyq investitsiialyq holdinginiń enshiles uiymymen yntymaqtastyǵy institýtsionaldyq kapitaldyń investitsiialyq múmkindikterin jeke biznestiń kásipkerlik tájiribesimen jáne tehnologiialyq saraptamasymen ushtastyrady. Mundai áriptestik strategiialyq jobalardy iske asyrýdy jedeldetýge jáne Qazaqstan ekonomikasynyń ósýine jańa serpin beretin baǵyttardy damytýǵa múmkindik beredi.
Timýr Týrlov, Freedom Holding Corp. bas atqarýshy direktory:
«Mundai aýqymdaǵy kelisim — jobalarymyzdyń mańyzdylyǵyn moiyndaýdyń belgisi, al «Báiterek» tobynyń qatysýyn Freedom-ǵa degen senim retinde baǵalaimyz. Biz Qazaqstannyń tsifrlyq infraqurylymyn álemdik deńgeige jetkizip, onyń tek óńirlik deńgeide ǵana emes, jahandyq naryqta da básekege qabiletti bolýyna umtylamyz. Ol úshin tiisti aýqymdaǵy tehnologiialyq qýattylyq, bailanys arnalary men logistikalyq infraqurylym qajet. Kelisim aiasyndaǵy qarjylandyrý elimizdiń tsifrlyq infraqurylymyn damytýǵa jáne tsifrlyq egemendigin nyǵaitýǵa baǵyttalǵan iri jobalardy júzege asyrýǵa múmkindik beredi».
Freedom Holding Corp. — qarjylyq qyzmetter kórsetetin, brokerlik qyzmetpen, baǵaly qaǵazdarmen saýda jasaýmen, investitsiialyq zertteýlermen jáne konsýltatsiia berýmen, investitsiialyq-banktik jáne anderraitingtik qyzmettermen, ipotekamen, saqtandyrýmen, telekommýnikatsiiamen, ushaq biletterin, mádeni jáne sporttyq is-sharalarǵa biletterdi onlain satýmen ainalysatyn, onlain-sýpermarket qyzmetterin jáne basqa da kóptegen servisti usynatyn ártaraptandyrylǵan kompaniialar tobynyń holdingi. Enshiles kompaniialaryn qosa alǵanda, Freedom Holding Corp. kompaniialar tobynda 11,8 myńnan astam qyzmetker bar. Holdingtiń bólimsheleri men enshiles kompaniialary Qazaqstan, AQSh, Kipr, Polsha, Ispaniia, Ózbekstan jáne basqa da elderdi qosa alǵanda, 22 memlekette jumys isteidi. Freedom Holding Corp. jai aktsiialary AQSh-tyń Baǵaly qaǵazdar jáne birjalar jónindegi komissiiasynda tirkelgen jáne Nasdaq Capital Market birjasynda FRHC tikerimen saýdalanady.
«Báiterek» ulttyq investitsiialyq holdingi» AQ – Qazaqstan Respýblikasynyń ekonomikany ártaraptandyrýǵa jáne onyń negizgi salalaryn qoldaýǵa baǵyttalǵan integratsiialanǵan memlekettik damý institýty. Holding tobyna «Qazaqstannyń Damý Banki» AQ, «Ónerkásipti damytý qory» AQ, «Damý» kásipkerlikti damytý qory» AQ, «Otbasy bank» AQ, «Qazaqstandyq turǵyn úi kompaniiasy» AQ, «Qazaqstannyń eksporttyq-kredittik agenttigi» AQ, «Agrarlyq nesie korporatsiiasy» AQ, Qazaqstan Investment Corporation jáne basqa da kompaniialar kiredi. Kokzhiyek Fund L.P. — ekonomikanyń basym salalaryndaǵy iri jobalardy qarjylandyrý maqsatynda «Astana» halyqaralyq qarjy ortalyǵynyń (AHQO) iýrisdiktsiiasynda tirkelgen tikelei investitsiialar qory.
Osy habarlandyrý Amerika Qurama Shtattarynda baǵaly qaǵazdardy satyp alýǵa nemese olarǵa jazylýǵa qatysty usynys ne shaqyrý bolyp tabylmaidy jáne mundai usynystyń nemese shaqyrýdyń bir bóligi emes. Obligatsiialyq qarjylandyrý aiasynda usynylatyn baǵaly qaǵazdar AQSh-tyń Baǵaly qaǵazdar týraly zańyna (U.S. Securities Act) sáikes tirkelmegen jáne tirkelmeidi. AQSh-tyń Baǵaly qaǵazdar týraly zańynda kózdelgen tirkeý talaptarynan bosatý jaǵdailaryn qospaǵanda, baǵaly qaǵazdardy tirkeýsiz Amerika Qurama Shtattarynda nemese AQSh tulǵalaryna (distribiýtorlardy qospaǵanda) usynýǵa ne satýǵa bolmaidy. Baǵaly qaǵazdarmen hedjirleý mámilelerine AQSh-tyń Baǵaly qaǵazdar týraly zańynyń talaptary saqtalǵan jaǵdaida ǵana jol beriledi.
Osy habarlandyrýda 1995 jylǵy Baǵaly qaǵazdar salasyndaǵy jeke talap-aryzdar boiynsha sot talqylaýlaryn reformalaý týraly zańnyń (Private Securities Litigation Reform Act of 1995) maǵynasyndaǵy bolashaqqa qatysty málimdemeler qamtylǵan. Ádette, mundai málimdemelerdi «múmkin», «bolady», «bolýy múmkin», «jón», «senedi», «kútedi», «josparlaidy», «baǵalaidy», «boljaidy», «áleýetti», «niettenedi», «jospar», «maqsat», «bolashaq» degen sózderden, olardyń túrlengen nusqalarynan nemese maǵynasy uqsas ózge de tirkesterden tanýǵa bolady. Mundai málimdemelerge, sonyń ishinde, Freedom Holding Corp. tobynyń investitsiialyq jobalaryn qarjylandyrýǵa, toptyń damý josparlaryna, tsifrlyq sheshimder aiasyn keńeitýge, strategiialyq jobalardy iske asyrýǵa jáne ekonomikalyq ósýdiń jańa baǵyttaryn qalyptastyrýǵa, tsifrlyq infraqurylymdy damytýǵa jáne eldiń tsifrlyq egemendigin nyǵaitýǵa qatysty málimdemeler jatady. Osy bolashaqqa qatysty málimdemeler aǵymdaǵy kútýlerge nemese senimderge negizdelgen. Jaǵdailar ózgergen jaǵdaida bul málimdemeler de ózgerýi múmkin. Sondai-aq olar birqatar táýekel men belgisizdik faktorlaryna bailanysty, sonyń saldarynan naqty nátijeler bolashaqqa qatysty málimdemelerde kórsetilgen nátijelerden edáýir ózgeshe bolýy múmkin. Mundai táýekelge, atap aitqanda, Kompaniianyń 2026 jylǵy 31 naýryzda aiaqtalǵan qarjy jylyna arnalǵan, 2026 jylǵy 1 maýsymda AQSh-tyń Baǵaly qaǵazdar jáne birjalar jónindegi komissiiasyna (SEC) usynylǵan 10-K nysanyndaǵy jyldyq esebiniń 1A-bóliminde («Táýekel faktorlary») kórsetilgen táýekelder jatady. Bolashaqqa qatysty barlyq málimdeme tek osy habarlandyrý jariialanǵan kúngi jaǵdai boiynsha jasalady. Zańnamada kózdelgen jaǵdailardy qospaǵanda, Freedom Holding Corp. jańa aqparattyń paida bolýyna, bolashaq oqiǵalardyń oryn alýyna nemese ózge de sebepterge bailanysty osy málimdemelerdi jańartýǵa mindetteme almaidy.
