بٷگٸن اباي ۋنيۆەرسيتەتٸندە «التىن ادام مۇراسىن زەرتتەۋ جەنە ساقتاۋدىڭ ٶزەكتٸ مەسەلەلەرٸ: ارحەولوگييا, ارحەوگەنەتيكا, مۋزەيلەندٸرۋ جەنە تاريحي-مەدەني ينتەرپرەتاتسييا» تاقىرىبىندا حالىقارالىق عىلىمي-تەجٸريبەلٸك كونفەرەنتسييا ٶتتٸ. ٸس-شارا دەستٷرلٸ «VII ەسٸك وقۋلارى» اياسىندا ۇيىمداستىرىلىپ, قازاقستان, قىتاي, ەزٸربايجان, ٶزبەكستان, تٷركييا, يتالييا جەنە باسقا دا ەلدەردٸڭ زەرتتەۋشٸ-عالىمدارىنىڭ باسىن قوستى, دەپ حابارلايدى dalanews.kz.
«التىن ادام» مۇراسىن جان-جاقتى عىلىمي تۇرعىدان زەردەلەۋدٸ, ەجەلگٸ ٶركەنيەتتەر تاريحىن زەرتتەۋدٸڭ زاماناۋي ەدٸستەرٸن تالقىلاۋدى جەنە حالىقارالىق عىلىمي ىنتىماقتاستىقتى نىعايتۋدى ماقسات ەتكەن كونفەرەنتسييا «قازاقستان-قىتاي: ارحەولوگييالىق مۇرانى ساقتاۋ جولىنداعى ىنتىماقتاستىق» اتتى كٶرمەنٸڭ اشىلۋىمەن باستالدى. پلەنارلىق وتىرىستا ەسٸك جازۋىنىڭ شىعۋ تەگٸ مەن عىلىمي ماڭىزى, ەجەلگٸ تٷركٸ جازبا ەسكەرتكٸشتەرٸ, ساق دەۋٸرٸنٸڭ ارحەولوگييالىق قۇندىلىقتارى تالقىلاندى. سونداي-اق التىن ادام بەينەسٸن قايتا قالپىنا كەلتٸرۋ جەنە تاريحي مۇرانى حالىقارالىق دەڭگەيدە تانىتۋ مەسەلەسٸنەدە ايرىقشا نازار اۋدارىلدى.
عىلىمي-پراكتيكالىق كونفەرەنتسييا ەزٸربايجاندىق عالىم فيرۋدين دجاليلوۆ ەسٸك جازۋىنىڭ تٸلٸنە توقتالسا, قىتاي زەرتتەۋشٸسٸ دين يان قىتاي جازبا دەرەكتەرٸندەگٸ ٷيسٸندەر تۋرالى العاشقى زەرتتەۋلەردٸ قاراستىردى. تٷركٸستاندىق عالىم بەكجان ورىنباي ەسٸك جازۋىنىڭ تاريحي جەنە كارتوگرافييالىق ماڭىزى جٶنٸندەگٸ عىلىمي پايىمدارىن ۇسىندى. ال بەلگٸلٸ رەستاۆراتور قىرىم التىنبەكوۆ «التىن ادام» بەينەسٸن قايتا جاڭعىرتۋ جۇمىسىنىڭ ەرەكشەلٸگٸ مەن ونىڭ قازٸرگٸ قوعامداعى مەدەني ىقپالى تۋرالى سٶز قوزعادى.
«VII ەسٸك وقۋلارى» تاريحي-مەدەني مۇرانى تسيفرلاندىرۋ, مۋزەي ٸسٸنە يننوۆاتسييالىق تەحنولوگييالاردى ەنگٸزۋ جەنە جاساندى ينتەللەكت مٷمكٸندٸكتەرٸن پايدالانۋ مەسەلەلەرٸن دە قامتىدى.اتاپ ايتقاندا, ورحون-ەنيسەي جازبالارىن تسيفرلىق ەدٸستەرمەن زەرتتەۋ, ارحەولوگييالىق لاندشافتتاردى مۋزەيلەندٸرۋ جەنە مەدەني مۇرانى زاماناۋي تەحنولوگييالار ارقىلى ساقتاۋ باعىتتارىن ۇسىندى.
اباي ۋنيۆەرسيتەتٸ عالىمدارى مەن جاس زەرتتەۋشٸلەرٸنٸڭ باياندامالارى ارحەولوگييالىق مۇرانى بٸلٸم بەرۋ جٷيەسٸنە ەنگٸزۋ, تاريحي تانىمدى دامىتۋ جەنە عىلىمي نەتيجەلەردٸ پەداگوگيكالىق تەجٸريبەمەن ۇشتاستىرۋعا باعىتتالدى. كونفەرەنتسييا وتاندىق جەنە شەتەلدٸك عالىمدارعا عىلىمي تەجٸريبە الماسىپ, جاڭا زەرتتەۋ باعىتتارىن تالقىلاۋعا جەنە حالىقارالىق بايلانىستاردى نىعايتۋعا جول اشتى. حالىقارالىق باسقوسۋ ەكٸ عىلىمي سەكتسيياعا جالعاسىپ, جوعارى وقۋ ورنى عالىمدارى, ەسٸك مەملەكەتتٸك تاريحي-مەدەني مۋزەي-قورىعىنىڭ قىزمەتكەرلەرٸ بايانداما جاسادى.
