قازاقستاندا اۋاسى ەڭ لاس قالالار انىقتالدى

قازاقستاندا اۋاسى ەڭ لاس قالالار انىقتالدى, دەپ حابارلايدى dalanews.kz.

قازگيدرومەت مەلٸمەتٸنشە, قاراعاندى مەن استانادا اۋا ساپاسى ٶتە ناشار بولعان. قىركٷيەكتە ماماندار ەلدەگٸ 69 ەلدٸ مەكەننٸڭ اۋا ساپاسىن تەكسەرگەن. مونيتورينگ نەتيجەسٸندە ەكٸ ەلدٸ مەكەندە اۋانىڭ لاستانۋ دەڭگەيٸ ٶتە جوعارى, جەتەۋٸندە جوعارى, 27-سٸندە كٶتەرٸڭكٸ, ال 33-ٸندە تٶمەن بولعان.

اۋانىڭ لاستانۋ دەڭگەيٸ ٶتە جوعارى ەلدٸ مەكەندەر قاتارىنا قاراعاندى مەن استانا كٸردٸ.

ال الماتى, پاۆلودار, تەمٸرتاۋ, پەتروپاۆل قالالارىندا, شۇبارشى كەنتٸندە, جانباي اۋىلىندا جەنە تٷركٸستان وبلىسىنداعى دوستىق ەلدٸ مەكەنٸندە لاستانۋ دەڭگەيٸ جوعارى بولعان.

اۋانىڭ لاستانۋ دەڭگەيٸ كٶتەرٸڭكٸ 27 ەلدٸ مەكەننٸڭ تٸزٸمٸنە اقتٶبە, اتىراۋ, شىمكەنت, ٶسكەمەن, اقتاۋ, قوستاناي, سەمەي, ارقالىق, ريددەر, تالدىقورعان, تاراز, جەزقازعان, سەتباەۆ, تٷركٸستان, تالعار, جٸتٸقارا, قاندىاعاش, ارال, شۋ, اياگٶز, حرومتاۋ, يندەربور, گانيۋشكينو, كەڭقيياق, شيەلٸ, قارابالىق جەنە ساستٶبە كٸردٸ.

ال كٶكشەتاۋ, ورال, قىزىلوردا, ەكٸباستۇز, بالقاش, رۋدنىي, جاڭاٶزەن, ستەپنوگورسك جەنە ششۋچينسك قالالارى اۋانىڭ لاستانۋ دەڭگەيٸ تٶمەن 33 ەلدٸ مەكەننٸڭ قاتارىندا اتالدى.

قىركٷيەكتە قازگيدرومەت ماماندارى 69 ەلدٸ مەكەندەگٸ 173 باقىلاۋ بەكەتٸندە اۋا ساپاسىن قاداعالاعان. ونىڭ 45-ٸندە سىنامالار قولمەن الىنسا, قالعان 128 بەكەت اۆتوماتتى تٷردە جۇمىس ٸستەگەن.