Freedom ٶكٸلدەرٸ قازاقستاندا دامىپ جاتقان جاساندى ينتەللەكت ينفراقۇرىلىمىنىڭ قورشاعان ورتاعا ىقپالى, داتا-ورتالىقتاردى سالقىنداتۋ تەحنولوگيياسى جەنە بولاشاق AI-كلاستەردٸڭ ەسەپتەۋ رەسۋرستارى كٸمدەرگە قولجەتٸمدٸ بولاتىنى تۋرالى سۇراقتارعا جاۋاپ بەردٸ. Freedom Cloud ديرەكتورى تەمٸرلان زەينالابدين سالقىنداتۋ جٷيەسٸنٸڭ جۇمىس ٸستەۋ قاعيداتىن تٷسٸندٸرسە, Freedom AI توبىنىڭ باس اتقارۋشى ديرەكتورى رەنات تۋكانوۆ كلاستەردٸڭ بارلىق قۋاتى شەتەلدٸك كومپانييالارعا بەرٸلمەيتٸنٸن مەلٸمدەدٸ, دەپ حابارلايدى dalanews.kz.
وسى جەنە ٶزگە دە ماڭىزدى مەسەلەلەر Freedom AI: Inside Infrastructure ٸس-شاراسى اياسىندا ٶتكەن Public Talk كەزٸندە تالقىلاندى.
«قۋات ٷنەمٸ جەتٸسپەيدٸ»
Public Talk كەزٸندە قازاقستانداعى AI-ينفراقۇرىلىمنىڭ مٷمكٸندٸگٸ مەن ەسەپتەۋ قۋاتىنا دەگەن سۇرانىس تا تالقىلاندى. Freedom AI توبىنىڭ باس اتقارۋشى ديرەكتورى رەنات تۋكانوۆقا حالىقارالىق كومپانييالار ەسەپتەۋ رەسۋرستارىنىڭ باسىم بٶلٸگٸن جالداپ السا, قازاقستاندىق ەزٸرلەۋشٸلەرگە قۋات جەتپەي قالماي ما دەگەن سۇراق قويىلدى.
تۋكانوۆتىڭ ايتۋىنشا, قازاقستاندا ەسەپتەۋ رەسۋرستارىنا دەگەن سۇرانىس قازٸردٸڭ ٶزٸندە جوعارى.
«100 مەگاۆاتت – بۇل ٶتە كٶپ GPU. كەلٸسٸم نەگە ميللياردتاعان دوللارعا جاسالدى? ٶيتكەنٸ قۋاتتىڭ بۇدان دا كٶپ قاجەت بولاتىنى انىق», – دەدٸ ول.
سپيكەردٸڭ مەلٸمەتٸنشە, قازٸر كومپانييا ينفراقۇرىلىمىندا جەتٸ داتا-ورتالىق بار, تاعى ەكەۋٸنٸڭ قۇرىلىسى جٷرٸپ جاتىر. جالپى سەرۆەرلٸك ستويكالار سانى شامامەن 1900-گە جەتەدٸ.
«بۇل كٶپ پە, از با? تەجٸريبە كٶرسەتكەندەي, ٷنەمٸ از بولدى. قازٸر كەيبٸر داتا-ورتالىقتاردى بۇدان دا ەرتەرەك سالا باستاۋ كەرەك ەدٸ دەپ ويلاپ وتىرمىز», – دەدٸ رەنات تۋكانوۆ.
داتا-ورتالىقتاردىڭ ەكولوگيياعا ەسەرٸ قانداي?
Freedom Cloud ديرەكتورى تەمٸرلان زەينالابدين داتا-ورتالىقتاردىڭ قورشاعان ورتاعا ىقپالىن باعالاۋ كەزٸندە بٸرنەشە فاكتوردى ەسكەرۋ قاجەتتٸگٸن ايتتى. سونىڭ بٸرٸ – نىسانداردان شىعاتىن شۋ. ونىڭ سٶزٸنشە, وسى سەبەپتٸ داتا-ورتالىقتار كٶبٸنە ەلدٸ مەكەندەردەن بەلگٸلٸ بٸر قاشىقتىقتا نەمەسە تۇرعىندارعا قولايسىزدىق تۋدىرمايتىنداي جەردە سالىنادى.
تاعى بٸر ماڭىزدى مەسەلە – ەنەرگييامەن قامتاماسىز ەتۋ. زەينالابدين قازاقستاندا گاز, جەل جەنە كٷن ەنەرگەتيكاسى دامىپ كەلە جاتقانىن اتاپ ٶتتٸ.
«مۇنىڭ بەرٸنە ۋاقىت قاجەت. ەرينە, بارلىعى وسى باعىتقا قاراپ وتىر. مەملەكەت تە ەنەرگەتيكانى, ونىڭ ٸشٸندە جاڭارتىلاتىن ەنەرگەتيكانى وسىنداي ورتالىقتار ٷشٸن دامىتاتىن بولادى», – دەدٸ ول.
سالقىنداتۋ جٷيەسٸندە سۋ قالاي پايدالانىلادى?
كەزدەسۋ بارىسىندا داتا-ورتالىقتاردى سالقىنداتۋ تەحنولوگيياسىنىڭ اۋىز سۋ قورىنا ىقتيمال ەسەرٸ دە سٶز بولدى. تەمٸرلان زەينالابديننٸڭ تٷسٸندٸرۋٸنشە, سۋمەن سالقىنداتۋ تەحنولوگيياسىن سۋدى سىرتتان ٷزدٸكسٸز الىپ, پايدالانعاننان كەيٸن تٶگٸپ تاستاۋ ٷدەرٸسٸ رەتٸندە قاراستىرۋ دۇرىس ەمەس. مۇنداي جٷيەلەردە سالقىنداتۋعا ارنالعان سۇيىقتىق ارنايى كونتۋر ٸشٸندە اينالىپ وتىرادى.
«سۋمەن سالقىنداتۋدىڭ نە ەكەنٸن تٷسٸنۋ ٷشٸن ۆاننانى ەلەستەتٸڭٸز. ەكٸ قۇبىر بار: بٸرەۋٸ قىزعان سۇيىقتىقتى الىپ كەتەدٸ, ول سالقىنداتىلىپ, قايتادان جٷيەگە كەلەدٸ. ياعني سۇيىقتىق سول جەردە اينالىپ جٷرەدٸ», – دەپ تٷسٸندٸردٸ Freedom Cloud ديرەكتورى.
ونىڭ ايتۋىنشا, مۇنداي جٷيەلەردە قاراپايىم سۋدىڭ ورنىنا ارنايى تەحنولوگييالىق سۇيىقتىق تا قولدانىلۋى مٷمكٸن. ونىڭ قۇرامىندا سالقىنداتۋ جٷيەسٸنٸڭ جۇمىسىنا قاجەتتٸ حيمييالىق كومپونەنتتەر بولادى.
وسىلايشا, سپيكەر داتا-ورتالىقتارداعى سالقىنداتۋ جٷيەسٸنٸڭ جۇمىسىن تٷسٸندٸرٸپ, سۇيىقتىقتىڭ تۇيىق كونتۋردا اينالاتىنىنا نازار اۋداردى.
AI-كلاستەردٸڭ باستاپقى قۋاتى ەكٸ ەسە ارتتى
تۋكانوۆتىڭ سٶزٸنشە, AI-كلاستەر جوباسى بٸرنەشە كەزەڭمەن جٷزەگە اسىرىلادى. العاشقى كەزەڭدە قۋاتتى 2 مۆت دەڭگەيٸندە ٸسكە قوسۋ جوسپارلانعان. الايدا كەيٸن بۇل كٶرسەتكٸش شامامەن 4 مۆت-قا دەيٸن ۇلعايعان. جوبا B300 سەرۆەرلەرٸندەگٸ كلاستەرلەردٸ قامتيدى.
سپيكەردٸڭ ايتۋىنشا, باستاپقى جوسپار بويىنشا 2 مۆت قۋاتتىڭ جارتىسىن Freedom كومپانيياسىنىڭ ٶزٸ پايدالانۋى كەرەك بولعان. قازٸر كومپانييانىڭ ٸشكٸ ەسەپتەۋ رەسۋرستارىنا دەگەن قاجەتتٸلٸگٸ ودان دا جوعارى. بۇل دەرەكتەر قازاقستاندا AI-ينفراقۇرىلىمىن دامىتۋ اياسىندا ەسەپتەۋ قۋاتىنا سۇرانىستىڭ ارتىپ وتىرعانىن كٶرسەتەدٸ.
ەسەپتەۋ رەسۋرستارى قازاقستاندىق كومپانييالارعا قولجەتٸمدٸ بولا ما?
AI-كلاستەردٸڭ نەگٸزگٸ قۋاتىن حالىقارالىق كومپانييالار پايدالانىپ, جەرگٸلٸكتٸ ەزٸرلەۋشٸلەردٸڭ مٷمكٸندٸگٸ شەكتەلٸپ قالۋى ىقتيمال دەگەن ساۋالعا رەنات تۋكانوۆ جەكە توقتالدى.
ونىڭ ايتۋىنشا, كلاستەردٸڭ باستى ماقساتى – قازاقستان ٸشٸندە ەسەپتەۋ رەسۋرستارىن قالىپتاستىرىپ, ولارعا جىلدام ەرٸ بەسەكەگە قابٸلەتتٸ باعامەن قول جەتكٸزۋگە جاعداي جاساۋ.
«NVIDIA-نىڭ ٶزٸ مۇنى sovereign cluster – ەگەمەن كلاستەر رەتٸندە پوزيتسييالايدى. ول بٸرٸنشٸ كەزەكتە ەل ٸشٸندە رەسۋرستار بولۋى جەنە ولارعا جەتكٸلٸكتٸ تٷردە جىلدام ەرٸ بەسەكەگە قابٸلەتتٸ باعامەن قول جەتكٸزۋ ٷشٸن جاسالىپ جاتىر. بارلىعى ەل ٸشٸندە ٶڭدەلەدٸ», – دەدٸ تۋكانوۆ.
سونداي-اق ول كلاستەردٸڭ بارلىق رەسۋرسى شەتەلدٸك كومپانييالارعا بەرٸلٸپ كەتپەيتٸنٸن اتاپ ٶتتٸ.
«بارلىعى شەتەلدٸك كومپانييالارعا تيەدٸ دەگەن جاعداي, ەرينە, بولمايدى», – دەدٸ Freedom AI توبىنىڭ باس اتقارۋشى ديرەكتورى.
وسىلايشا, Freedom ٶكٸلدەرٸ جوبانىڭ نەگٸزگٸ مٸندەتتەرٸنٸڭ بٸرٸ قازاقستاننىڭ ٸشكٸ نارىعىندا ەسەپتەۋ رەسۋرستارىنىڭ قولجەتٸمدٸلٸگٸن قامتاماسىز ەتۋ ەكەنٸن جەتكٸزدٸ. دەگەنمەن كلاستەر قۋاتىنىڭ وتاندىق جەنە شەتەلدٸك تاپسىرىس بەرۋشٸلەر اراسىندا ناقتى قالاي بٶلٸنەتٸنٸ تۋرالى تولىق مەلٸمەت كەزدەسۋدە كەلتٸرٸلگەن جوق.
