الماتىدا قازاقستاننىڭ بۇرىنعى پرەزيدەنتٸنٸڭ جيەنٸ قايرات ساتىبالدىعا تيەسٸلٸ بولعان بەس جۇلدىزدى DoubleTree by Hilton قوناقٷيٸ ساتىلدى. نىسان ەلەكتروندى اۋكتسيوندا 12,38 ملرد تەڭگەگە باعالاندى. قوناقٷيدٸ ساتۋ ٷش ەرەكەتتەن كەيٸن عانا جٷزەگە استى, دەپ حابارلايدى dalanews.kz.
ەلەكتروندى ساۋدا الاڭى e-Qazyna.kz مەلٸمەتٸنشە, نىساننىڭ تٷپكٸلٸكتٸ ساتۋ باعاسى 12 ملرد 384 ملن 291 مىڭ 448 تەڭگەنٸ قۇرادى.
قوناقٷي ٷش رەت ساۋداعا شىعارىلدى
DoubleTree by Hilton قوناقٷيٸن ساتۋ بٸردەن جٷزەگە اسپادى. نىسان العاش رەت 2026 جىلعى 25 قىركٷيەكتە اۋكتسيونعا شىعارىلدى. باستاپقى باعاسى 12,7 ملرد تەڭگە بولعانىمەن, ساتىپ الۋعا ٶتٸنٸم تٷسپەگەندٸكتەن ساۋدا ٶتكٸزٸلمەدٸ. 13 قازاندا قوناقٷي ەكٸنشٸ رەت ساتىلىمعا قويىلدى. بۇل جولى دا باستاپقى باعا 12,7 ملرد تەڭگە بولىپ بەلگٸلەندٸ. الايدا جالعىز قاتىسۋشىعا ساتۋ مٷمكٸندٸگٸ قاراستىرىلعانىنا قاراماستان, ساتىپ الۋشى تابىلمادى.
29 قازاندا ٶتكەن ٷشٸنشٸ ساۋدادا نىساننىڭ باستاپقى باعاسى 38,2 ملرد تەڭگەگە دەيٸن كٶتەرٸلدٸ. بٸراق بۇل جولى باعانى تٶمەندەتۋ ەدٸسٸ قولدانىلدى. نەتيجەسٸندە قوناقٷي 12,38 ملرد تەڭگەگە ساتىلدى. تەۋەلسٸز باعالاۋ قورىتىندىسى بويىنشا, عيماراتتىڭ نارىقتىق قۇنى شامامەن 12,7 ملرد تەڭگە بولعان.
قوناقٷي مەملەكەت مەنشٸگٸنە قالاي ٶتتٸ?
DoubleTree by Hilton قوناقٷيٸ 2023 جىلعى قىركٷيەكتە مەملەكەت مەنشٸگٸنە بەرٸلگەن. ول كەزدە قايرات ساتىبالدىۇلى قىلمىستىق ٸستەر اياسىندا كەلتٸرٸلگەن زالالدى ٶتەۋ ماقساتىندا الماتى قالاسىنىڭ مەملەكەتتٸك مٷلٸك دەپارتامەنتٸمەن عيماراتتى مەملەكەتكە بەرۋ تۋرالى سىيعا تارتۋ شارتىن جاساسقان.
نىسان مەملەكەت مەنشٸگٸنە ٶتكەن كەزدە ونىڭ قۇنى 6,49 ملرد تەڭگەگە باعالانعان.
