Astanada qorqytyp, aqsha bopsalaǵan eki adam bes jylǵa bas bostandyǵynan aiyryldy. Olar jábirlenýshiden bir jyldan astam ýaqyt ishinde 3,76 mln teńge talap etip, alǵan, dep habarlaidy dalanews.kz.
Sotta aiyptalýshylar 2023 jylǵy tamyzdan 2024 jylǵy qyrkúiekke deiin ózara sóz bailasyp, jábirlenýshiden aqsha bopsalaǵany anyqtaldy. Olar kúsh qoldanamyz dep qorqytyp, odan jalpy somasy 3,76 mln teńge alǵan.
Memlekettik aiyptaýshy árqaisysyn alty jylǵa bas bostandyǵynan aiyrýdy suraǵan.
Alaida sot sottalýshylardyń asyraýynda kámeletke tolmaǵan balalary bar ekenin eskerip, árqaisysyna bes jyl túrme jazasyn taǵaiyndady. Sondai-aq is boiynsha jazany aýyrlatatyn mán-jailar anyqtalmaǵan.
Sot úkimi ázirge zańdy kúshine engen joq.
