Астанада қорқытып, ақша бопсалаған екі адам бес жылға бас бостандығынан айырылды. Олар жәбірленушіден бір жылдан астам уақыт ішінде 3,76 млн теңге талап етіп, алған, деп хабарлайды dalanews.kz.
Сотта айыпталушылар 2023 жылғы тамыздан 2024 жылғы қыркүйекке дейін өзара сөз байласып, жәбірленушіден ақша бопсалағаны анықталды. Олар күш қолданамыз деп қорқытып, одан жалпы сомасы 3,76 млн теңге алған.
Мемлекеттік айыптаушы әрқайсысын алты жылға бас бостандығынан айыруды сұраған.
Алайда сот сотталушылардың асырауында кәмелетке толмаған балалары бар екенін ескеріп, әрқайсысына бес жыл түрме жазасын тағайындады. Сондай-ақ іс бойынша жазаны ауырлататын мән-жайлар анықталмаған.
Сот үкімі әзірге заңды күшіне енген жоқ.
