Qytai biligi memlekettik qyzmetshiler men olardyń otbasy múshelerine qatysty sybailas jemqorlyqqa qarsy baqylaýdy edáýir kúsheitpek. Bul týraly Qytaidyń «Sinhýa» agenttigi Kommýnistik partiia Ortalyq komiteti plenýmynyń sheshimine silteme jasap habarlady, dep habarlaidy dalanews.kz.
Naýqannyń maqsaty – jasyryn aktivterdi anyqtaý jáne memlekettik qyzmetshilerdiń resmi tabysy men naqty ómir súrý deńgeii arasyndaǵy sáikessizdikti tekserý. Osyǵan bailanysty basshylyq qyzmettegi kadrlardyń otbasy múlki men shyǵyndaryna tekserý kúsheitiledi. Sondai-aq olardyń týystarynyń kásipkerlik qyzmeti qatań baqylaýǵa alynady.
«Jetekshi kadrlardyń jeke isteri boiynsha esep berý júiesin jetildirý, sondai-aq otbasy aktivteri men shyǵyndary qalypty tabys deńgeiinen edáýir asyp túsetin jaǵdailardy tekserip, tergeý qajet. Jetekshi kadrlardyń jubailary, balalary jáne balalarynyń jubailary júrgizetin sharýashylyq qyzmetine turaqty baqylaýdy kúsheitý kerek», – delingen habarlamada.
Budan bólek, memlekettik qyzmetshilerdi, sonyń ishinde zeinetke shyqqannan keiin de baqylaýdy kúsheitý mindeti qoiylǵan. Sondai-aq jaýapkershilikten jaltarý úshin qyzmetten ketý áreketteriniń jolyn kesý kózdelip otyr.
Sonymen qatar Qytai biligi kadrlar arasynda partiiaǵa adaldyqty tárbieleýdi kúsheitip, Qytai Kommýnistik partiiasynyń, Qytai Halyq Respýblikasynyń tarihyn, reformalar men ashyqtyq saiasatyn, sondai-aq sotsializmniń damý jolyn zerdeleýge kóbirek kóńil bólmek.
Buǵan deiin Qytaida burynǵy sheneýnik para alǵany úshin ólim jazasyna kesilgen bolatyn.
