قىتاي بيلٸگٸ مەملەكەتتٸك قىزمەتشٸلەر مەن ولاردىڭ وتباسى مٷشەلەرٸنە قاتىستى سىبايلاس جەمقورلىققا قارسى باقىلاۋدى ەدەۋٸر كٷشەيتپەك. بۇل تۋرالى قىتايدىڭ «سينحۋا» اگەنتتٸگٸ كوممۋنيستٸك پارتييا ورتالىق كوميتەتٸ پلەنۋمىنىڭ شەشٸمٸنە سٸلتەمە جاساپ حابارلادى, دەپ حابارلايدى dalanews.kz.
ناۋقاننىڭ ماقساتى – جاسىرىن اكتيۆتەردٸ انىقتاۋ جەنە مەملەكەتتٸك قىزمەتشٸلەردٸڭ رەسمي تابىسى مەن ناقتى ٶمٸر سٷرۋ دەڭگەيٸ اراسىنداعى سەيكەسسٸزدٸكتٸ تەكسەرۋ. وسىعان بايلانىستى باسشىلىق قىزمەتتەگٸ كادرلاردىڭ وتباسى مٷلكٸ مەن شىعىندارىنا تەكسەرۋ كٷشەيتٸلەدٸ. سونداي-اق ولاردىڭ تۋىستارىنىڭ كەسٸپكەرلٸك قىزمەتٸ قاتاڭ باقىلاۋعا الىنادى.
«جەتەكشٸ كادرلاردىڭ جەكە ٸستەرٸ بويىنشا ەسەپ بەرۋ جٷيەسٸن جەتٸلدٸرۋ, سونداي-اق وتباسى اكتيۆتەرٸ مەن شىعىندارى قالىپتى تابىس دەڭگەيٸنەن ەدەۋٸر اسىپ تٷسەتٸن جاعدايلاردى تەكسەرٸپ, تەرگەۋ قاجەت. جەتەكشٸ كادرلاردىڭ جۇبايلارى, بالالارى جەنە بالالارىنىڭ جۇبايلارى جٷرگٸزەتٸن شارۋاشىلىق قىزمەتٸنە تۇراقتى باقىلاۋدى كٷشەيتۋ كەرەك», – دەلٸنگەن حابارلامادا.
بۇدان بٶلەك, مەملەكەتتٸك قىزمەتشٸلەردٸ, سونىڭ ٸشٸندە زەينەتكە شىققاننان كەيٸن دە باقىلاۋدى كٷشەيتۋ مٸندەتٸ قويىلعان. سونداي-اق جاۋاپكەرشٸلٸكتەن جالتارۋ ٷشٸن قىزمەتتەن كەتۋ ەرەكەتتەرٸنٸڭ جولىن كەسۋ كٶزدەلٸپ وتىر.
سونىمەن قاتار قىتاي بيلٸگٸ كادرلار اراسىندا پارتيياعا ادالدىقتى تەربيەلەۋدٸ كٷشەيتٸپ, قىتاي كوممۋنيستٸك پارتيياسىنىڭ, قىتاي حالىق رەسپۋبليكاسىنىڭ تاريحىن, رەفورمالار مەن اشىقتىق ساياساتىن, سونداي-اق سوتسياليزمنٸڭ دامۋ جولىن زەردەلەۋگە كٶبٸرەك كٶڭٸل بٶلمەك.
بۇعان دەيٸن قىتايدا بۇرىنعى شەنەۋنٸك پارا العانى ٷشٸن ٶلٸم جازاسىنا كەسٸلگەن بولاتىن.
