الماتىنىڭ بورالداي شاعىناۋدانىنداعى ازات كٶشەسٸ, 23-ٷيدٸڭ جانىندا تۇرعىنداردىڭ دەمالۋىنا ارنالعان جاڭا قوعامدىق كەڭٸستٸك پايدا بولدى, دەپ حابارلايدى dalanews.kz.
سكۆەر «حالىق قاتىساتىن بيۋدجەت» باعدارلاماسى اياسىندا كٶركەيتٸلدٸ. بۇل باعدارلاما قالا تۇرعىندارىنا قالالىق ورتانى جاقسارتۋعا باعىتتالعان جوباسىن ۇسىنۋعا مٷمكٸندٸك بەرەدٸ.
اۋماقتا كٷركەلەر مەن ورىندىقتار ورناتىلىپ, شاحمات ويناۋعا ارنالعان ارنايى ايماق جاساقتالدى. سونداي-اق كٶگال تٶسەلٸپ, جاسىل ايماق جاسالدى. كەشكٸ ۋاقىتتا جايلى دەمالۋ ٷشٸن كٶشە جارىقتاندىرۋ جٷيەسٸ قاراستىرىلعان.
بيىل كٷزدە مۇندا بيٸكتٸگٸ 3-4 مەتر بولاتىن شىرشالار ەگۋ دە جوسپارلانىپ وتىر.
ەندٸ شاعىناۋدان تۇرعىندارىنىڭ تازا اۋادا سەرۋەندەپ, وتباسىمەن دەمالىپ, ٶزارا ارالاسۋىنا تاعى بٸر جايلى ورىن پايدا بولدى.
جالپى, 2026 جىلى الماتىنىڭ الاتاۋ اۋدانىندا «حالىق قاتىساتىن بيۋدجەت» باعدارلاماسى اياسىندا كٶركەيتۋ بويىنشا 43 جوبا جٷزەگە اسىرىلىپ جاتىر.
باعدارلاماعا قاتىسۋ ٷشٸن ٶتٸنٸمدٸ https://budget.open-almaty.kz/ سايتى ارقىلى بەرۋگە بولادى.
