مەجٸلٸستٸڭ بۇرىنعى دەپۋتاتى سامات نۇرتازا Facebook پاراقشاسىندا 123 كٷننەن بەرٸ جۇمىسسىز جٷرگەنٸن ايتىپ, وسى ۋاقىت ٸشٸندە باسىنان ٶتكەن جاعدايلاردى بٶلٸستٸ, دەپ حابارلايدى dalanews.kz.
ەكس-دەپۋتاتتىڭ سٶزٸنشە, بۇرىن جيٸ حابارلاسقان ەرٸپتەستەرٸ مەن شەنەۋنٸكتەردٸڭ كٶبٸ قازٸر قوڭىراۋ شالۋدى دوعارعان.
"جۇمىسسىز جاتقانىما 123 كٷن بولدى. بۇرىن باتارەيكاسى تەز وتىراتىن سمارتفونىم قازٸر لەم-ميم تىنىش, قۋاتى ەكٸ كٷنگە جەتٸپ جاتىر. ادامي كەيٸپ ساقتاپ قالعان 7–8 ادامنان باسقا ەشكٸم حابارلاسپايدى. ٶزٸم قوڭىراۋ شالسام, تۇتقانى كٶتەرەتٸن ەرٸپتەستەر مەن شەنەۋنٸكتەر تەلەفون كٶتەرمەيتٸن بولدى", – دەپ جازدى سامات نۇرتازا.
ونىڭ ايتۋىنشا, قىزمەتتەن كەتكەننەن كەيٸن ٶزگەرمەيدٸ دەپ سەنگەن كەيبٸر ادامدار دا تەرٸس اينالعان. بۇرىن ٷنەمٸ بايلانىستا بولۋعا ۋەدە بەرگەن ۆيتسە-مينيسترلەردٸڭ دە قازٸر حابارلاسپاي كەتكەنٸن جەتكٸزدٸ.
سامات نۇرتازا مۇنداي جاعداي قازٸرگٸ پارلامەنت دەپۋتاتتارىنىڭ دا باسىنان ٶتۋٸ مٷمكٸن ەكەنٸن العا تارتتى. ونىڭ پايىمىنشا, دەپۋتاتتىق ٶكٸلەتتٸك اياقتالعاننان كەيٸن بۇرىنعى قىزمەتكە قايتا ورالۋ قيىن. سەبەبٸ ول ورىنعا باسقا ادام تاعايىندالىپ قويادى.
"ەڭ قىزىعى, بۇل قۇبىلىس قازٸرگٸ قۇرىلتايدىڭ 145 دەپۋتاتىنىڭ باسىنان ٶتەتٸن جايت. تەك ونى ولار ٶزدەرٸ بٸلمەي وتىر. ورنىڭنان كەتتٸڭ, دەپۋتات بولدىڭ. ال دەپۋتاتتىقتان كەيٸن قايتايىن دەسەڭ, ورنىڭدا ادام وتىر. تۇيىق", – دەدٸ ەكس-دەپۋتات.
ول جۇمىسسىز ٶتكەن 123 كٷننٸڭ ٶزٸنە ٷلكەن ٶمٸرلٸك ساباق بولعانىن اتاپ ٶتتٸ. وسى ۋاقىت ارالىعىندا كٸمنٸڭ شىنايى قارىم-قاتىناسىن ساقتاعانىن, ال كٸمنٸڭ تەك لاۋازىمىنا قاراپ ارالاسقانىن تٷسٸنگەن.
ەكس-دەپۋتات مەملەكەتتٸك قىزمەتكەرلەردٸڭ لاۋازىمنان ايىرىلعىسى كەلمەۋٸنٸڭ استارىندا تەك اقشا, بيلٸك نەمەسە قىزمەتتٸك كابينەت تۇرماعانىن ايتادى. ونىڭ پٸكٸرٸنشە, ادام ٷشٸن قوعامعا قاجەت ەكەنٸن سەزٸنۋ ماڭىزدى.
"لاۋازىم – كٶپشٸلٸك ويلايتىن ناقتى بٸر اقشا, بيلٸك, كابينەت ەمەس ەكەن. “لاۋازىم” – سوتسيۋمعا كەرەك ەكەنٸڭ, ناقتى ٶزٸڭ شەگەلەگەن ورنىڭ ەكەن. ادام سول ٶز ورنىن جوعالتىپ الماۋ ٷشٸن پسيحولوگييالىق مايداندا كٷرەسەتٸن سيياقتى. قوعامعا كەرەك بولعانىن سەزٸنۋ – شەنەۋنٸكتٸڭ باستى دوپينگٸ", – دەپ جازدى ول.
سامات نۇرتازا قازاقستان جاعدايىندا ادام بيلٸككە قاجەت بولۋى نەمەسە جەكە كەسٸپپەن اينالىسۋى كەرەك دەگەن قورىتىندىعا كەلگەن.
"توق ەتەرٸ, قازاقستاننىڭ رەاليزمٸندە بيلٸككە پايدالى, قاجەت, ەرەكشە كەرەك بولۋىڭ كەرەك نەمەسە جەكە كەسٸپكە كەتۋ كەرەك. بۇل ٶمٸردە باسقا نۇسقا جوق سيياقتى. بۇيىرعانىن كٶرەرمٸز", – دەدٸ ول.
Dalanews.kz تٸلشٸسٸ ەكس-دەپۋتاتتان الداعى جوسپارى جەنە مەملەكەتتٸك قىزمەتكە قايتا ورالۋ مٷمكٸندٸگٸ تۋرالى سۇرادى. الايدا سامات نۇرتازا ەزٸرگە بۇل مەسەلەگە قاتىستى ناقتى جاۋاپ بەرە المايتىنىن ايتتى.
"قازٸر ەشتەڭە ايتا المايمىن", – دەپ جاۋاپ بەردٸ ول.
