ٶزبەكستاندا 27 ميلليوننان استام ازاماتتىڭ جەكە دەرەگٸ تارالعان بولۋى مٷمكٸن. BUTTERFLY حاكەرلٸك توبى ەلدٸڭ پەرسوناليزاتسييا اگەنتتٸگٸنٸڭ دەرەكتەر بازاسىن بۇزىپ, ميلليونداعان ادامنىڭ مەلٸمەتٸنە قول جەتكٸزگەنٸن مەلٸمدەدٸ. الايدا كيبەرشابۋىل مەن اقپاراتتىڭ تارالعانى ەزٸرگە تەۋەلسٸز تٷردە راستالعان جوق, دەپ حابارلايدى dalanews.kz.
Pivot باسىلىمىنىڭ مەلٸمەتٸنشە, دەرەكتەر بازاسىندا ازاماتتاردىڭ پاسپورت مەلٸمەتتەرٸ, تەلەفون نٶمٸرلەرٸ, تۇرعىلىقتى مەكەنجايلارى جەنە بيومەترييالىق فوتوسۋرەتتەرٸ بولۋى مٷمكٸن. سونىمەن قاتار توپ ٶزبەكستاننىڭ تسيفرلىق تەحنولوگييالار مينيسترٸ شەرزود شەرماتوۆتىڭ جەكە دەرەكتەرٸن جارييالاعانىن مەلٸمدەگەن. پاسپورت دەرەكتەرٸ مەن بيومەترييالىق اقپاراتتىڭ تارالۋى ۇزاق مەرزٸمدٸ قاۋٸپ تٶندٸرەدٸ. سەبەبٸ مۇنداي مەلٸمەتتەردٸ پارول سيياقتى وڭاي اۋىستىرۋ مٷمكٸن ەمەس, دەپ جازادى باسىلىم.
الاياقتار ازاماتتاردىڭ ناقتى جەكە دەرەكتەرٸن پايدالانىپ, بانك نەمەسە مەملەكەتتٸك ورگان قىزمەتكەرٸ رەتٸندە حابارلاسۋى مٷمكٸن. سونداي-اق ولار SMS-كودتار مەن اقشا الداپ الۋ نەمەسە ٶزگە ادامنىڭ اتىنان تسيفرلىق سەرۆيستەردە تٸركەلۋ ٷشٸن پايدالانۋى ىقتيمال.
باسىلىمنىڭ مەلٸمەتٸنشە, بۇل ٶزبەكستاننىڭ مەملەكەتتٸك اقپاراتتىق جٷيەلەرٸنە قاتىستى العاشقى كيبەرشابۋىل تۋرالى حابار ەمەس. 2026 جىلعى اقپاندا شەرزود شەرماتوۆ 27-30 قاڭتار ارالىعىندا ٷش مەملەكەتتٸك ورگاننىڭ اقپاراتتىق جٷيەسٸنە كيبەرشابۋىل جاسالعانىن حابارلاعان.
العاشىندا 15 ميلليون ازاماتتىڭ دەرەگٸ تارالعانى ايتىلعانىمەن, كەيٸن بۇزىلعان جازبالار سانى شامامەن 60 مىڭ دەپ باعالانعان. دەگەنمەن بۇل وقيعانىڭ BUTTERFLY توبىنىڭ قازٸرگٸ مەلٸمدەمەسٸمەن بايلانىسى بار ەكەنٸنە قاتىستى دەرەك جوق.
جاڭا كيبەرشابۋىلعا بايلانىستى ٶزبەكستاننىڭ مەملەكەتتٸك ورگاندارى ەزٸرگە رەسمي تٷسٸنٸكتەمە بەرگەن جوق. وقيعانىڭ مەن-جايىن انىقتاۋ ٷشٸن مەملەكەتتٸك ورگانداردىڭ مەلٸمدەمەسٸ مەن تەحنيكالىق تەكسەرۋ نەتيجەلەرٸ قاجەت.
Pivot باسىلىمى ازاماتتارعا كٷمەندٸ سٸلتەمەلەرگە ٶتپەۋگە, SMS-كودتاردى, پارولدەر مەن جەكە مەلٸمەتتەردٸ بٶگدە ادامدارعا بەرمەۋگە كەڭەس بەرەدٸ.
ايتا كەتەيٸك, بيىل اقپاندا 15 ميلليون ٶزبەكستاندىقتىڭ جەكە دەرەگٸ تارادى دەگەن حابار تاراعان ەدٸ. الايدا ارتىنشا ٶزبەكستان بيلٸگٸ بۇل اقپاراتتىڭ راستالماعانىن مەلٸمدەدٸ.
