AQSh-ta Helloýin merekesi ótken demalys kúnderi atys saldarynan keminde 76 adam qaza taýyp, taǵy 201 adam jaraqat aldy,, dep habarlaidy dalanews.kz.
RIA Novosti málimetinshe, 30 qazannan bastap eldiń birneshe shtatynda atys oqiǵalary tirkelgen. Olardyń arasynda Helloýinge arnalǵan keshter kezinde bolǵan qarýly qaqtyǵystar da bar. Keibir oqiǵalardan keiin birneshe adam aýrýhanaǵa jetkizilgen.
Máselen, Tennessi shtatynda jasóspirim mektepke tapansha alyp kelgen. Abyroi bolǵanda, eshkim zardap shekken joq. Oqýshyǵa qarýdy zańsyz saqtaǵany úshin aiyp taǵyldy. Al Chikagonyń ońtústik bóliginde janjal kezinde 35 jastaǵy er adam atyp óltirilgen. Oqiǵa Helloýinge orai bezendirilgen jeke úidiń mańynda bolǵan.
Missýri shtatyndaǵy shaǵyn qalalardyń birinde páterde uiymdastyrylǵan kesh janjalǵa ulasyp, 22 jastaǵy jigit 18 jastaǵy azamatty atyp jaralaǵan. Sondai-aq tirkelgen oqiǵalardyń arasynda turmystyq zorlyq-zombylyq kezinde atys qarýyn qoldaný derekteri de bar.
Sarapshylardyń málimetinshe, juma kúninen bastap AQSh aýmaǵynda atys qarýy qoldanylǵan túrli oqiǵalardan 76 adam kóz jumyp, 201 adam jaraqat alǵan. Aita keteiik, bul statistika tek Helloýin keshterindegi atystardy emes, merekelik demalys kúnderi el aýmaǵynda tirkelgen basqa da qarýly oqiǵalardy qamtidy.
