Qazaqstanda máslihat sailaýyna qatysatyn partiialyq tizimder men kandidattardy tirkeý aiaqtaldy. Endi sailaýaldy úgit-nasihat kezeńi bastalady. Ol 28 qarasha saǵat 00:00-ge deiin jalǵasady, dep habarlaidy dalanews.kz.
Máslihat depýtattary bes jylǵa sailanady. Turǵyndar jalpyǵa birdei, teń jáne tóte sailaý quqyǵy negizinde jasyryn daýys beredi.
Oblystyq máslihattarda 668, qalalyq máslihattarda 626, aýdandyq máslihattarda 2153 depýtattyq mandat bólinedi. Sailaý 20 oblystyq, 38 qalalyq jáne 170 aýdandyq máslihatta ótedi.
Sailaý aralas júie boiynsha ótedi. Iaǵni oǵan saiasi partiialar da, birmandatty sailaý okrýgteri boiynsha kandidattar da qatysa alady. Kandidattardy saiasi partiialar men qoǵamdyq birlestikter usyna alady. Sondai-aq, azamattardyń ózin-ózi usynýyna ruqsat etiledi.
Sailaý qorytyndysy bes kún ishinde anyqtalady.
