Aqtóbe oblysynda esirtki internet-dúkenderiniń múddesi úshin tólemder qabyldap, aqsha aýdarymdaryn jasaǵan qylmystyq toptyń qyzmeti toqtatyldy, dep habarlaidy dalanews.kz.
Tergeý málimetinshe, Aqtóbe qalasynyń turǵyny áleýmettik jelilerde aqsha aiyrbastaý tobyn quryp, oǵan jeti sybailasyn tartqan. Top músheleri mindetterin bólisip, tólemderdi táýlik boiy qabyldaýdy uiymdastyrǵan. Olar kúndizgi jáne túngi aýysymmen jumys istegen.
QMA málimetinshe, internet-dúken operatorlary satyp alýshylarǵa tapsyrys aqysyn tóleý úshin osy aiyrbastaý tobyna júginýdi usynǵan. Tólem rastalǵannan keiin olarǵa esirtki jasyrylǵan oryndardyń koordinattary jiberilgen.
«Kún saiyn aiyrbastaý toby arqyly 50-den 70-ke deiin tólem operatsiiasy júrgizilgen. Aqsha qabyldaý úshin dropperlerdiń atyna rásimdelgen 22 bank kartasy paidalanylǵan», – dep habarlady agenttik.
Jinalǵan qarajat kriptovaliýtaǵa aiyrbastalyp, esirtki biznesin uiymdastyrýshylardyń baqylaýyndaǵy kriptoámiiandarǵa aýdarylǵan. Jalpy aýdarym kólemi 918 myń USDT-den asqan. Bul 400 million teńgeden astam qarajatqa teń.
Shemany uiymdastyrýshy qamaýǵa alyndy. Qazirgi ýaqytta tergeý jalǵasyp jatyr.
