Almaty taýlaryndaǵy Talǵar asýy mańynda joǵalyp ketken 73 jastaǵy Ońtústik Koreia azamatyn izdeý jalǵasyp jatyr. Er adam bir aidan asa ýaqyttan beri izdestirilip jatyr, alaida ázirge tabylǵan joq, dep habarlaidy dalanews.kz.
28 qyrkúiekte 73 jastaǵy Koreia azamaty bir top adammen birge Shymbulaqtaǵy aspaly jolmen taýǵa kóterilgen. Keiin serikterine jolyn jalǵyz jalǵastyryp, qalaǵa óz betinshe túsetinin aitqan.
Alaida er adam qonaqúige oralmaǵan. 29 qyrkúiekte qutqarýshylarǵa onyń joǵalǵany týraly habar túsken. Sodan keiin izdeý jumystary bastalǵan edi.
2 qarashadaǵy jaǵdai boiynsha týrist qaida ekeni áli belgisiz. Almaty qalalyq Tótenshe jaǵdailar departamenti er adam áli tabylmaǵanyn rastady.
