Qazaqstan Prezidenti Qasym-Jomart Toqaev Reseidi Túrki memleketteri uiymyna (TMU) qosylýǵa shaqyrýdy nemese oǵan baqylaýshy mártebesin berýdi usyndy. Memleket basshysy bul bastamany Ankarada ótken uiymnyń 13-sammitinde kóterdi, dep habarlaidy dalanews.kz.
Toqaevtyń aitýynsha, Reseidi TMU+ formatyna qosý nemese uiym qyzmetine baqylaýshy retinde qatystyrý onyń halyqaralyq bedelin arttyrýǵa yqpal etýi múmkin.
«Uiymymyzdyń bedelin arttyrý maqsatynda Reseidiń nietine oń kózqaraspen qarap, ony osy formatqa qosylýǵa shaqyrý nemese TMU qyzmetine baqylaýshy retinde qatysýyna múmkindik berý durys ári ádil sheshim bolar edi», – dedi Qazaqstan Prezidenti.
Memleket basshysy Reseidiń túrki álemimen ǵasyrlar boiy tyǵyz bailanysta bolǵanyn atap ótti. Sondai-aq Resei aýmaǵynda kóptegen túrki halyqtarynyń tarihi turǵyda ómir súrip kele jatqanyn aitty.
